Бразилия президенти Лула да Сильва халқаро савдода доллардан воз кечишга чақирди.
Маълум қилинишича, у BRIKS ташкилоти аъзолари ўртасидаги ҳисоб-китоблар учун АҚШ долларига муқобил валюта яратишга чақирган.
“Ҳамма биладики, мен мамлакатларимиз ўртасидаги савдо алоқалари учун ўз валютамизни яратиш тарафдориман. Нега Аргентина ёки Хитой билан савдода доллардан фойдаланишимиз керак, буни ўз валюталаримизда амалга ошириш мумкин-ку? Нега инсониятнинг деярли ярми истиқомат қилаётган давлатлар буни ўзаро муҳокама қила олмайди?” — деди Бразилия президенти.
2019 йилда Россия ва Хитой миллий валютада тўлов ўтказиш тўғрисида ҳукуматлараро битимни қабул қилганди.
Шунингдек, Европа Вашингтон санкцияларини четлаб ўтиш ва Эрон билан долларсиз савдо қилиш имкониятини берадиган INSTEX механизмини ишга туширгани хабар берилганди.
Изоҳ (0)