Суд ҳайъати Марказий разведка бошқармасининг собиқ ходими Кевин Мэллорини Хитой фойдасига жосуслик қилишда айбдор деб топди. Бу ҳақда АҚШ Адлия вазирлигининг сайтида эълон қилинди, деб хабар беради «Газета.ru».
61 ёшли Мэллори 2017 йилнинг ёзида Хитой фойдасига жосуслик қилганликда айбланди. Маълум қилинишича, Мэллори март ва апрель ойида икки маротаба Шанхайга бориб, Хитой разведкаси учун ишлайдиган Майкл Янг билан учрашган.
Адлия вазирлигининг маълум қилишича, Мэллори Хитой ҳукумати вакилига тўртта ҳужжатни топширган, улардан бири «ўта махфий» ҳисобланади. Яна иккитасида ҳам «махфий» белгиси бўлган. Қораловчи томоннинг таъкидлашича, у ҳукуматга оид яна тўртта ҳужжатни хитойликларга беришни режалаштирган.
Якуний қарорни судья қабул қилади. Мэллори умрбод қамоқ жазосига ҳукм этилиши мумкин.
Изоҳ (0)