АҚШ махфий хизмати Колумбия округи Федерал судида Дональд Трампнинг хавфсизлигини таъминлашда иштирок этади, деди махфий хизмат вакили Энтони Гульельми ўз баёнотида.
Унинг аниқлик киритишича, Махфий хизмат барча хавфсизлик ва ҳуқуқ-тартибот идоралари билан “суднинг одатий ишига тўсқинлик қилмаган ҳолда собиқ президент хавфсизлигини энг юқори даражада таъминлаш” учун яқиндан ҳамкорлик қилмоқда.
Бир кун аввал Трампга тўртта янги айблов қўйилган эди. АҚШнинг собиқ президенти АҚШни алдаш, гувоҳларнинг баёнотларини сохталаштириш, америкаликлар ҳуқуқларига қарши тил бириктириш ва расмий жараёнларга аралашишга уринишда айбланмоқда.
Махсус прокурор Жек Смитнинг идораси тил бириктиришдан мақсад 2020 йилги президентлик сайловининг қонуний натижаларини бекор қилиш, ҳукумат фаолиятига тўсқинлик қилишга уриниш эканини маълум қилди.
Трамп 3 август куни маҳаллий вақт билан соат 16:00 да Колумбия округи федерал судида иштирок этиши керак.
Аввалроқ АҚШ собиқ президенти Дональд Трамп ўзига қўйилган айбловлар доирасида унга жами 561 йиллик қамоқ жазоси берилиши мумкинлигини айтганди.
Изоҳ (0)