Тошкент шаҳар Яккасарой туманида 38 ёшли аёл бедарак йўқолди. Бу ҳақда ИИББ ахборот хизмати хабар берди.
Маълум қилинишича, 1985 йилда туғилган Дилбар Адилова 2023 йилнинг 26 июль куни Яккасарой тумани Бошлиқ мавзесидаги уйидан чиқиб кетган ва бедарак йўқолган. Белгилари: бўйи 170—175 см, кўзлари қора, сочлари узун қора рангда, юзида сепкили бор. Эгнида оқ-қора рангдаги футболка, қора шим, оёғида шиппак бўлган.
Ушбу шахснинг қаерда эканлиги ҳақида маълумотга эга бўлган фуқаролардан яқин орадаги ички ишлар бўлимига ёки 71-206-83-00, 102 рақамларига хабар бериш сўралган.
Изоҳ (0)