Ҳайвонларнинг инсонлар қила оладиган ишни ўрганиши ҳайратланарли. Масалан, шу пайтгача овқат пиширишни биладиган, спорт билан шуғуллана оладиган ва бошқа ишни қила оладиган ҳайвонлар ҳақида эшитган бўлишингиз мумкин. Шу қаторда Канзи лақабли шимпанзе Minecraft ўйнашни ўрганиб, кўплаб ижтимоий тармоқ фойдаланувчиларини ҳайратда қолдирди.
Chrisdadow никнейми билан ижод қиладиган блогер маймуннинг Minecraft ўйинини ўзлаштира олиш даражасини текширишга қарор қилди. Тажриба учун оддий шимпанзе танланди. Ақлий қобилиятлари уч ёшли боланинг ақл-заковати билан тенг бўлган Канзи лақабли маймун тадқиқот иштирокчисига айланди. У инглиз тилидаги нутқни тушунади ва сенсорли экранни қандай бошқаришни билади.
Дастлаб унга бошқарув асослари ўргатилди. У юриш учун экранни ушлаб туриши, буриш учун эса панжасини турли йўналишларда ҳаракатлантириши керак эди. Канзи барча керакли кўникмаларни ўзлаштирганида, унга ўйинни ўзи ўйнаб кўришга таклиф қилишди. Шимпанзе учун махсус харита яратилган бўлиб, у буни деярли ҳеч қандай қийинчиликсиз бошқарган. У ўйин давомида атиги бир марта ғорга тиқилиб қолган.
Шунингдек, ҳар бир бажарилган ҳаракат учун шимпанзега ёнғоқ берилган. Тажриба тугади, бироқ Chrisdadow Канзига иши учун миннатдорчилик билдиришга қарор қилди. Блогер қобилиятли маймунни даволаш учун маблағ йиғишни бошлади.
Изоҳ (0)