Ижтимоий тармоқларда Қашқадарё вилояти болалар шифохонасида 25 тупдан ортиқ манзарали дарахтлар кесилгани ҳақида хабарлар тарқалди. Вилоят Соғлиқни сақлаш бошқармаси ҳолат юзасидан муносабат билдирди.
Унда айтилишича, Соғлиқни сақлаш вазирлиги давлат-хусусий шериклик лойиҳаларини амалга ошириш ҳақида қарорлар қабул қилиш, хусусий ташаббускорлар билан музокаралар ўтказиш, давлат-хусусий шериклик тўғрисидаги битимларни ишлаб чиқиш ва тайёрлаш бўйича ишчи гуруҳининг тегишли йиғилиш баёнига кўра Қашқадарё вилояти болалар кўп тармоқли тиббиёт марказининг бўш турган 750 квадрат метр майдонида давлат-хусусий шериклик шартлари асосида Essel Forte Арслон хусусий корхонаси томонидан тиббиёт маркази ташкил этиш кўзда тутилган.
Хусусий корхонага ажратиб берилган ҳудудда 2023 йил 27 июлга ўтар кечаси 17 туп дарахт кесилгани аниқланган. Вилоят болалар кўп тармоқли тиббиёт маркази маъмурияти томонидан бу ҳақда дарҳол ички ишлар идораларига хабар берилган.
Айни пайтда ҳолат ҳуқуқни муҳофаза қилиш идоралари томонидан ўрганилмоқда.
Изоҳ (0)