27 июль куни Халқ депутатлари Тошкент шаҳар кенгашининг навбатдаги сессияси бўлиб ўтди. Унда Экология, атроф-муҳитни муҳофаза қилиш ва иқлим ўзгариши бошқармаси масъуллари 2023 йилнинг биринчи яримйиллигида амалга оширилган ишлар тўғрисида маълумот берди.
Қайд этилишича, 6 ой давомида жами 1 722 маротаба рейд тадбирлари ўтказилган бўлиб, жами 1 192 та соҳага оид қонун бузилиш ҳолатлари аниқланган. Бунинг натижасида 1 192 нафар ҳуқуқбузарларга нисбатан жами 758,8 миллион сўм миқдорида маъмурий жарима ва табиатга етказилган зарар учун 992,7 миллион сўм миқдорида маблағ ундириш белгиланган. Жумладан, жарималарнинг 12 таси юридик шахсларга, 1 180 таси жисмоний шахсларга нисбатан қўлланилган.
Биохилмахилликни асраш, ўсимлик ва ҳайвонот дунёсини муҳофаза қилиш соҳасида ЯIDPХ (давлат хизматлари) орқали жорий йилнинг 6 ойи давомида жами 1 минг 135 та ариза бўйича 35 минг 73 та дарахт кесилиши юзасидан мурожаатлар келиб тушган. Ушбу мурожаатларнинг 499 тасига, яъни 8 594 та дарахтнинг таг қисмидан кесилишига рад жавоби берилган ва дарахтлар сақлаб қолинган. Шундан 78 та хулоса 750 та дарахтга хавфнинг олдини олиш мақсадида буталаш тавсия этилган). Табиий омиллар таъсирида зарарланиб қуриган ва инсонлар ҳаёти, мол-мулкига хавф солаётганлиги юзасидан 484 та мурожаат бўйича 23 минг 19 та қуриган дарахтнинг кесилишига ижобий хулосалар берилган.
Шунингдек, Тошкент шаҳри ҳудудлари бўйлаб бинолар, иншоотлар, коммуникациялар ва бошқа объектларни қуриш ва реконструкция қилишда, муҳандислик ишларини амалга оширишда давлат ўрмон фондига кирмайдиган дарахтлар ва буталарни кесиш юзасидан 29 та мурожаатга, яъни қимматбаҳо дарахт турига киритилмаган 415 та ҳар хил турдаги мевали ва манзарали дарахтларни 261,621 миллион сўмлик тўлов компенсация пули эвазига кесилишига ижобий хулосалар берилган.
Тошкент шаҳрида “Яшил макон” умуммиллий лойиҳаси доирасида 2023 йил баҳор мавсумида тасдиқланган манзилли режа-графикка асосан жами 657 минг 200 та манзарали, мевали дарахт ва бута кўчатлари экилиши кўзда тутилган бўлиб, бу режага нисбатан 105 фоизни ташкил этган. Таҳлилларга кўра, Тошкент шаҳрида 257 минг 430 та дарахт ва бута кўчатлари суғориш тизими мавжуд бўлмаган жойларга экилган. Бунинг оқибатида лойиҳа доирасида етарли агротехник талабларга риоя қилинмагани оқибатида экилган кўчатлардан 15 минг 59 таси қуриб қолган. Туман инспекторлари томонидан жойларда ушбу ҳолатлар юзасидан юридик ва жисмоний шахсларга нисбатан 33 та маъмурий баённома тузилган. Шунингдек, туман инспекторлари томонидан 725 та мажбурий кўрсатмалар берилиб, ҳозирда ушбу экилган кўчатларнинг ҳолати ва парвариш қилиниши доимий назорат қилинмоқда.
Бундан ташқари, кўрилган чораларга асосан 1 минг 429 та дарахтнинг таги бетонланган ҳолати бартараф этилиб, 2 минг 320 та дарахт тунги ёритиш чироқларидан озод қилинган.
Изоҳ (0)