Россиянинг Раменское шаҳрида 60 ёшли ўзбекистонлик эркак вояга етмаган болага нисбатан жинсий зўравонлик қилди. Бу ҳақда Россия Тергов қўмитасининг Москва вилояти бўйича Бош тергов бошқармаси хабар берди.
Тергов маълумотларига кўра, эркак Раменскоедаги турар жой биноларидан бирининг ертўласида мактаб ўқувчисига жинсий тажовуз қилган. 60 ёшли Ўзбекистон фуқароси қўлга олинган, у жинсий зўравонликда айбланмоқда.
Мигрантга нисбатан қамоққа олиш тарзидаги эҳтиёт чорасини танлаш масаласи ҳал қилинмоқда.
“Яқин кунларда тергов айбланувчига нисбатан қамоққа олиш тарзидаги эҳтиёт чораси билан судга илтимоснома юборади”, — дейилади хабарда.
Ўзбекистон фуқароси Россия Жиноят кодексининг 132-моддаси 4-қисми “б” банди (ўн тўрт ёшга тўлмаган шахсга нисбатан жинсий характердаги зўравонлик) бўйича айбланмоқда.
Изоҳ (0)