Rossiyaning Ramenskoye shahrida 60 yoshli o‘zbekistonlik erkak voyaga yetmagan bolaga nisbatan jinsiy zo‘ravonlik qildi. Bu haqda Rossiya Tergov qo‘mitasining Moskva viloyati bo‘yicha Bosh tergov boshqarmasi xabar berdi.
Tergov ma’lumotlariga ko‘ra, erkak Ramenskoyedagi turar joy binolaridan birining yerto‘lasida maktab o‘quvchisiga jinsiy tajovuz qilgan. 60 yoshli O‘zbekiston fuqarosi qo‘lga olingan, u jinsiy zo‘ravonlikda ayblanmoqda.
Migrantga nisbatan qamoqqa olish tarzidagi ehtiyot chorasini tanlash masalasi hal qilinmoqda.
“Yaqin kunlarda tergov ayblanuvchiga nisbatan qamoqqa olish tarzidagi ehtiyot chorasi bilan sudga iltimosnoma yuboradi”, — deyiladi xabarda.
O‘zbekiston fuqarosi Rossiya Jinoyat kodeksining 132-moddasi 4-qismi “b” bandi (o‘n to‘rt yoshga to‘lmagan shaxsga nisbatan jinsiy xarakterdagi zo‘ravonlik) bo‘yicha ayblanmoqda.
Izoh (0)