VisaGuideWorld компанияси 2023 йилда Европанинг энг яхши пойтахт шаҳрини танлаш учун мингдан ортиқ сайёҳлар орасида сўров ўтказди. Энг кўп овозни Нидерландия пойтахти Амстердам олди, деб хабар бермоқда 34Travel.
Пандемиядан кейин сайёҳлар диққатга сазовор жойларга эмас, балки маҳаллий аҳоли хавфсизлиги ва меҳмондўстлигига кўпроқ эътибор қаратишни бошлаган. Нидерландия пойтахти ушбу хусусиятларнинг барчаси бўйича етакчилик қилмоқда.
Нидерландиядаги 90 фоиз одам инглиз тилида мукаммал гаплашади. Меҳмондўстлик бўйича эса улар испанлар ва италияликлардан кейинги ўринда туради. Бундан ташқари, Амстердамга ташриф буюриш Европанинг бошқа пойтахтларига қараганда анча камхарж бўлиши мумкин: ўртача 280-300 евро бир ҳафтага етиши айтилади.
Европанинг энг яхши ўнта пойтахт шаҳарлари қаторига қуйидагилар киради:
- Рим (Италия);
- Загреб (Хорватия);
- Лондон (Буюк Британия);
- Лиссабон (Португалия);
- Мадрид (Испания);
- Прага (Чехия);
- Париж (Франция);
- Берлин (Германия);
- Вена (Австрия).
Аввалроқ 2023 йилда ташриф учун энг хавфли давлатлар рўйхати эълон қилинганди. Унда Афғонистон биринчи, Сурия, Украина, Мали ва Ироқ қолган ўринларни эгаллаган.
Изоҳ (0)