Ўзбекистонда 2023/2024-ўқув йили учун олий таълим муассасаларига кириш тест синовлари 1 августдан бошланади.
Билимни баҳолаш агентлигининг маълум қилишича, тест синовлари кунига икки сменада ўтказилади:
- 1-сменада 08:00 дан 11:00 га қадар;
- 2-сменада 15:00 дан 18:00 га қадар.
Тест синовлари ҳудудлардаги абитуриентлар сони ва тест синовлари ўтказиладиган бинолар сиғимидан келиб чиққан ҳолда 11 кундан 13 кунгача давом этади ва 13 август куни тўлиқ якунланади.
2023/2024-ўқув йили учун ОТМларнинг бакалавриат таълим йўналишлари учун рўйхатдан ўтган 1 018 007 нафар абитуриентларнинг 948 486 нафари тест синовларида иштирок этиши белгиланган. Аввалги ўқув йили билан таққосланса, бу йил кириш тест синовларида иштирок этиши белгиланган абитуриентлар сони салкам 200 минг нафарга кам бўлди.
Изоҳ (0)