OTMlarning bakalavriat ta’lim yo‘nalishlariga kirish test sinovlarida ishtirok etishi belgilangan abituriyentlar soni 948 486 nafarni tashkil etdi. Bu haqda Bilim va malakalarni baholash agentligi xabar berdi.
2023/2024-o‘quv yili uchun OTMlarning bakalavriat taʼlim yo‘nalishlari uchun ro‘yxatdan o‘tgan abituriyentlar soni 1 018 007 nafarni tashkil etgandi. Avvalgi yillarda ta‘lim muassasalarini tugatgan abituriyentlar test sinovida ishtirok etish uchun 165 ming so‘m to‘lov qilishi kerakligi belgilangan. To‘lov qilmaganlar ro‘yxatdan o‘tmagan hisoblanadi va testga kiritilmaydi. 69 521 nafar abituriyent testga kirish uchun to‘lovni amalga oshirmagani uchun ro‘yxatdan o‘tmagan deb topilgan bo‘lishi mumkin.
2022/2023-o‘quv yilida onlayn ro‘yxatdan o‘tgan abituriyentlar soni 1 214 232 nafarni tashkil etgandi. Ularning 1 146 744 nafari test sinovlarida ishtirok etishi belgilangandi.
Avvalgi o‘quv yili bilan taqqoslansa, bu yil kirish test sinovlarida ishtirok etishi belgilangan abituriyentlar soni salkam 200 ming nafarga kam bo‘ldi.
2023/2024-o‘quv yili uchun abituriyentlarning ta’lim tili bo‘yicha taqsimoti:
- o‘zbek tili — 828 699 nafar;
- rus tili — 88 830 nafar;
- qoraqalpoq tili — 28 718 nafar;
- boshqa tillar — 2 239 nafar.
Ta’lim shakllari bo‘yicha taqsimoti (birinchi ta’lim yo‘nalishiga nisbatan):
- kunduzgi ta’lim shakli — 545 616 nafar;
- kechki ta’lim shakli — 22 867 nafar;
- sirtqi ta’lim shakli — 373 169 nafar;
- masofaviy ta’lim shakli — 6 834 nafar.
Eng ko‘p abituriyent ro‘yxatdan o‘tgan OTMlar (birinchi ta’lim yo‘nalishiga nisbatan):
- O‘zbekiston milliy universiteti — 33 721 nafar;
- Toshkent davlat transport universiteti — 28 474 nafar;
- Farg‘ona davlat universiteti — 28 188 nafar;
- Toshkent davlat pedagogika universiteti — 26 827 nafar;
- Qarshi davlat universiteti — 26 640 nafar.
Eng ko‘p abituriyent ro‘yxatdan o‘tgan hududlar (doimiy yashash hududi bo‘yicha):
- Qashqadaryo viloyati — 112 242 nafar;
- Samarqand viloyati — 105 805 nafar;
- Farg‘ona viloyati — 89 022 nafar;
- Toshkent viloyati — 82 173 nafar;
- Surxondaryo viloyati — 79 004 nafar.
Izoh (0)