O‘zbekistonda 2023/2024-o‘quv yili uchun oliy ta’lim muassasalariga kirish test sinovlari 1-avgustdan boshlanadi.
Bilimni baholash agentligining ma’lum qilishicha, test sinovlari kuniga ikki smenada o‘tkaziladi:
- 1-smenada 08:00 dan 11:00 ga qadar;
- 2-smenada 15:00 dan 18:00 ga qadar.
Test sinovlari hududlardagi abituriyentlar soni va test sinovlari o‘tkaziladigan binolar sig‘imidan kelib chiqqan holda 11 kundan 13 kungacha davom etadi va 13-avgust kuni to‘liq yakunlanadi.
2023/2024-o‘quv yili uchun OTMlarning bakalavriat taʼlim yo‘nalishlari uchun ro‘yxatdan o‘tgan 1 018 007 nafar abituriyentlarning 948 486 nafari test sinovlarida ishtirok etishi belgilangan. Avvalgi o‘quv yili bilan taqqoslansa, bu yil kirish test sinovlarida ishtirok etishi belgilangan abituriyentlar soni salkam 200 ming nafarga kam bo‘ldi.
Izoh (0)