Туркиялик машҳурлар ўз мамлакатларидаги урф-одатларни ҳурмат қилсалар ҳам, тўй каби муҳим тадбирлар учун кўпроқ замонавий услубдаги либосларни танлашади. Ҳеч кимга сир эмаски, Шарқ азалдан Ғарб мамлакатларидан урф-одатларига содиқлиги билан ажралиб турган. Шу боис, турк тўйлари ҳақида гап кетганда, қимматбаҳо ипаклардан тикилган либослар, дабдабали маросимлар, кўплаб тиллалар ёдга тушиши аниқ.
Маълумки, буларнинг барчаси қадим замонлардан бери давом этиб келади. Ёш қизлар жуда оддий кийинишади: улар ёрқин кийимларни киймайди, зарлар ва кашталар билан безатилган либосларни маъқул кўришади.
Бу анъаналар бугунги кунгача давом этмоқда. Аммо замонавий гўзаллар тўй либосларини танлашда модага кўпроқ аҳамият беришни бошлади.
Неслиҳан Атагул
“Севги изтироби” сериали юлдузи Неслиҳан Атагул 2016 йилда актёр Кадир Доғулуга турмушга чиқди. Жуфтлик Босфорнинг Осиё соҳилидаги “Ажиа” меҳмонхонасида тантанали никоҳ маросимини ўтказди.
Актриса тўй либосини дунёнинг энг яхши дизайнерлари либослари тақдим этиладиган Vakko Wеdding’дан сотиб олди. Шуни таъкидлаш керакки, бу образ Неслиҳаннинг янада жозибали кўринишини таъминлаган.
Аксарият туркиялик машҳурлар тўйида “балиқ” силуэти шаклидаги либосларни афзал кўришади.
Фаҳрие Эвжен
Бурак Ўзчивит ва Фаҳрие Эвжен — Туркиянинг энг машҳур жуфтликларидан бири ҳисобланади. Улар “Чолиқуши” телесериалининг суратга олиш жараёнларида танишган ва шундан кейин учраша бошлаган. Вақт ўтиши билан жуфтликнинг ўртасида муносабатлар мустаҳкамланиб борди ва улар оила қуришга қарор қилди.
Фаҳрие ва Бурак 2017 йилда Босфор соҳилидаги Саит Ҳалим Пашининг Истанбулдаги саройида турмуш қурган. Актриса танлаган кўйлак Неслиҳан Атагулнинг либосига жуда ўхшайди.
Тўғри либосларнинг бир-биридан фарқли жиҳатлари бор. Масалан, Эвжен кийган либос кўп қатламли ва унинг орқа қисми жуда тор. Қизиғи шундаки, иккала келин тўй образларининг ўхшашлиги шов-шувли муҳокамаларга сабаб бўлди: актриса Неслиҳаннинг либосидан атайлаб нусха кўчирганликда айбланди. Либослар ўхшаш, улар дизайнер Рашит Бағзибағли томонидан яратилган. Дизайнер узоқ вақт давомида можаролардан узоқроқ туришга ҳаракат қилди, бироқ охирида у бу ҳолатга ўз муносабатини билдирди:
“Фаҳриехоним билан кўплаб вариантларни кўриб чиқдик, у келинлик либоси қандай бўлишини кўрди. Актрисага либос жуда ёқди ва айнан шундай тўй либосини истаганини айтди. Бу унинг хоҳиши эди”, — дейди либослар дизайнери.
Демет Ўздемир
“Эрта учган қуш” сериалида бош қаҳрамон ролини ижро этган Демет Ўздемир 2022 йилнинг август ойида мусиқачи Ўгузҳан Кочга турмушга чиқди. Уларнинг турмуш қуришига об-ҳаво шароити халақит берди: Истанбулда кучли ёмғир ёғди, шунинг учун маросим ўз вақтидан бир неча кун кейинга қолдирилди.
Бироқ Демет меҳмонларни бир вақтнинг ўзида иккита образ билан ҳайратда қолдира олди. Унинг биринчи либоси тўқилган матодан тикилган эди. Либос ўзгача кўринишга эга эди: тўқилган матодан тикилган кўйлакнинг пастки орқа қисми тўр билан безатилган. Бундай кўринишдаги тўй либосини камдан кам ҳолларда учратиш мумкин.
Шунга қарамай, Ўздемирнинг Ниҳан Пекер томонидан яратилган илк либоси баъзи мухлислар томонидан танқид қилинди. Актрисанинг ғайриоддий либоси ҳаммага ҳам ёқмаган бўлиши мумкин.
Демет рақсга тушганидан кейин иккинчи либосда кўриниш берди. Ён чўнтакларга эга либос лондонлик дизайнер Александр Маккуин томонидан яратилган.
Башак Гюмулжинелиолу
“Эшигимни қоқ” сериали юлдузлари Башак Гюмулжинелиолу ва Чағри Читанак 2022 йилнинг охирида турмуш қурди.
Актриса унча ҳашаматли бўлмаган либосни танлашга қарор қилди. Башак тўйида юмшоқ матодан тикилган узун либосда кўриниш берди. А-силуэтли либоснинг енг қисмида нақшли нозик тўр мавжуд.
Ўзге Гурел
“Жаноб хато” сериали юлдузи Ўзге Гурел ўз тақдирини актёр Серкан Чайўғли билан боғлашга қарор қилди. Жуфтлик Италияга алоҳида меҳр қўйган, уларнинг севгиси бундан 9 йил олдин айнан ўша ерда туғилган. Шунинг учун улар айнан ўша жойда турмуш қуришни хоҳлади, бироқ Серканнинг ота-онаси никоҳ тўйи актёрнинг ватани бўлган Германияда бўлишини хоҳлади.
Ўзгенинг либосини Vakko Couture ва машҳур дизайнер Галия Лаҳав яратган. Актрисанинг тўй образи аввалги актрисаларнинг либосларидан тубдан фарқ қилади. Либоснинг кўкрак қисмидаги тўр унинг янада чиройли кўринишини таъминлаган.
Изоҳ (0)