Халқаро валюта фонди бутун дунёда иқтисодиётнинг глобал ўсиши 2022 йилдаги тахминий 3,5 фоиздан 2023 ва 2024 йилларда 3 фоизга тушишини прогноз қилмоқда.
2023 йил учун прогноз апрелдаги World Economic Outlook (WЕО) прогнозидан бир оз юқори бўлса-да, тарихий кўрсаткичлар бўйича заифлигича қолмоқда. Инфляцияга қарши курашиш учун марказий банклар томонидан асосий ставкаларни ошириш сиёсати иқтисодий фаолликка таъсир қилишда давом этмоқда.
Халқаро валюта фонди томонидан эълон қилинган ҳисоботда Яқин Шарқ ва Марказий Осиё мамлакатларидаги ЯИМ ўсиши 2022 йилдаги 5,4 фоиздан 2023 йилда 2,5 фоизга ва 2024 йилда 3,2 фоизга пасайиши прогноз қилинган.
Шунингдек, глобал инфляция 2022 йилдаги 8,7 фоиздан 2023 йилда 6,8 фоизга ва 2024 йилда 5,2 фоизга тушиши кутилмоқда.
“АҚШ ва Швейцария банкларидаги тебранишларни тўхтатиш бўйича ҳукуматлар томонидан жорий йил бошида амалга оширилган қатъий чора-тадбирлар, АҚШнинг давлат қарзи чегараси бўйича яқинда қабул қилган қарори молиявий сектордаги тартибсизликларнинг бевосита хатарларини камайтирди”, — дейилади XВФ ҳисоботида.
Бу прогноз учун ўртача салбий хавф. Бироқ глобал ўсиш учун хавфлар мувозанати паст томонга йўналган ҳолда қолмоқда. Агар кейинги иқтисодий тебранишлар, жумладан, Украинадаги урушнинг кучайиши ва экстремал об-ҳавонинг давом этиши рўй берса, инфляция юқорилигича қолиши ва ҳатто кўтарилиши мумкин, бу эса янада чекловчи пул-кредит сиёсатини юритишга олиб келади, деб ҳисоблайди XВФ экспертлари.
Изоҳ (0)