Қамчиқ довонидан ўтувчи автомобиль йўлида ҳаракат қисқа муддатга чекланди. Бу ҳақда ИИВ ЙҲХХ ахборот хизмати хабар берди.
Қайд этилишича, бугун, 26 июль куни Мудофаа ҳамда Фавқулодда вазиятлар вазирликлари томонидан режали ўқув машғулоти ўтказилмоқда. Шу муносабат билан халқаро аҳамиятдаги А-373 автомобиль йўлининг Қамчиқ довонидан ўтувчи қисмида (260-километрида) транспорт воситаларининг ҳаракати соат 10:00 дан вақтинча, қисқа муддатга чекланди.
“Ҳайдовчилардан тартибга солувчиларнинг ишораларига риоя этишларини сўраймиз”, — дейилади хабарда.
Қамчиқ довонида бир кунда — 24 июль куни юк машиналари билан боғлиқ иккита автоҳалокат содир бўлганди. Ундан олдинроқ эса Қамчиқда Тошкент—Водий йўналишида ҳаракатланган юк автомобили ағдарилиб кетгани, июль бошларида бўлса Қамчиқ довонида икки аёл сел оқизиб кетишидан ҳалок бўлгани тўғрисида хабар берилганди.
Изоҳ (0)