Германиянинг Rheinmetall концернининг зирҳли машиналар ишлаб чиқариш заводи Украинада қуриладиган бўлса, Россия армияси учун қонуний нишонга айланади. Бу ҳақда 20 июль куни Россия ТИВ расмий вакили Мария Захарова маълум қилди.
“Агар завод қурилса, Украина мудофаа мажмуасининг бошқа объектлари қатори Россия қуролли кучлари учун қонуний ҳарбий нишонга айланади”, — деди дипломат брифинг чоғида.
18 июль куни Rheinmetall 1,3 млрд еврога 155 миллиметрли артиллерия снарядларини ишлаб чиқариш бўйича иккита янги йирик буюртма олингани ҳақида маълум қилган. Бунга Украина можароси туфайли ҳарбий омборларни тўлдириш зарурати сабаб бўлган, деб ёзади “Газета.ру”.
6 июль куни Рҳеинметал бош директори Армин Паппергер яқин 12 ҳафта ичида концерн Украинада мудофаа заводини очишини маълум қилди. Шунингдек, у Германиянинг энг йирик қурол ишлаб чиқарувчиси украиналик ҳарбий хизматчиларни заводда ишлаб чиқарилган танклар ва бошқа зирҳли машиналарга техник хизмат кўрсатишни ўргатишини айтди.
4 июль куни Германия Мудофаа вазирлиги Украина 2023 йилнинг биринчи ярмида немис қуролларини энг кўп олган давлатга айланганини маълум қилганди. Мамлакат расмийлари Киевга 1,65 миллиард евро миқдорида қурол-яроғ ва ҳарбий техника етказиб берган.
Изоҳ (1)
захар яна захар ишлатияптида