Россия Ташқи ишлар вазирлиги матбуот котиби Мария Захарова НАТОнинг Вилнюсда бўлиб ўтадиган саммити ҳақида фикр билдирди.
“Жамоатчилик ва ўз қўл остидагилар онгини манипуляция қилиш бўйича Ғарбнинг энг ёмон анъаналари асосида ажойиб спектакл намойиш этилади”, — деди Захарова Биринчи каналдаги “Катта ўйин” кўрсатувида.
“Оммавий эшелон машғулотлари олиб борилмоқда, Финляндия ҳукумати вазирлари Украинани қўллаб-қувватлаш учун виолончелда соло тайёрлашмоқда”, — дея қўшимча қилди у.
НАТО саммити 11–12 июль кунлари Вилнюсда бўлиб ўтади. НАТО бош котиби Енс Столтенберг саммит арафасидаги матбуот анжумани чоғида Вилнюсда бўлиб ўтадиган анжуманда Украинани НАТОга яқинлаштирадиган кўп йиллик ёрдам пакети тасдиқланишини айтиб ўтганди.
Польша президенти Анжей Дуда эса саммитда Украина соддалаштирилган тартиб асосида НАТОга қабул қилинишига умид билдирганди.
Изоҳ (0)