Ўзбекистонда қайси давлатларнинг капитали иштирокидаги корхоналар сони кўплиги маълум қилинди

Ўзбекистонда 2023 йил 1 июль ҳолатига кўра, фаолият юритаётган хорижий капитал иштирокидаги корхона ва ташкилотлар сони 12 742 тани ташкил этмоқда. Бу ҳақда Статистика агентлиги хабар берди.

Хорижий капитал иштирокида фаолият кўрсатаётган корхоналарни давлатлар кесимида ҳисоблаганда, уларнинг асосий қисмини Россия ташкилотлари ташкил этган. Бундан ташқари, 2 мингга яқин Туркия ва Хитой корхоналари мавжуд.

Хорижий капитал иштирокида энг кўп фаолият кўрсатаётган корхоналарнинг сони давлатлар кесимида:

• Россия – 2 869 та;
• Хитой – 1 860 та;
• Туркия – 1 741 та;
• Қозоғистон – 950 та;
• Жанубий Корея – 695 та;
• АҚШ – 300 та;
• Қирғизистон – 245 та;
• Тожикистон – 244 та;
• Озарбайжон – 204 та;
• Германия – 196 та;
• Туркманистон – 138 та.

Ўзбекистонда 2023 йил 1 январь ҳолатига фаолият кўрсатаётган хорижий капитал иштирокидаги корхона ва ташкилотлар сони 15 801 тани ташкил этган. Ундан бир ой олдинги кўрсаткич эса 15 497 тага тенг эди.