O‘zbekistonda qaysi davlatlarning kapitali ishtirokidagi korxonalar soni ko‘pligi ma’lum qilindi

O‘zbekistonda 2023-yil 1-iyul holatiga ko‘ra, faoliyat yuritayotgan xorijiy kapital ishtirokidagi korxona va tashkilotlar soni 12 742 tani tashkil etmoqda. Bu haqda Statistika agentligi xabar berdi.

Xorijiy kapital ishtirokida faoliyat ko‘rsatayotgan korxonalarni davlatlar kesimida hisoblaganda, ularning asosiy qismini Rossiya tashkilotlari tashkil etgan. Bundan tashqari, 2 mingga yaqin Turkiya va Xitoy korxonalari mavjud.

Xorijiy kapital ishtirokida eng ko‘p faoliyat ko‘rsatayotgan korxonalarning soni davlatlar kesimida:

• Rossiya – 2 869 ta;
• Xitoy – 1 860 ta;
• Turkiya – 1 741 ta;
• Qozog‘iston – 950 ta;
• Janubiy Koreya – 695 ta;
• AQSH – 300 ta;
• Qirg‘iziston – 245 ta;
• Tojikiston – 244 ta;
• Ozarbayjon – 204 ta;
• Germaniya – 196 ta;
• Turkmaniston – 138 ta.

O‘zbekistonda 2023-yil 1-yanvar holatiga faoliyat ko‘rsatayotgan xorijiy kapital ishtirokidagi korxona va tashkilotlar soni 15 801 tani tashkil etgan. Undan bir oy oldingi ko‘rsatkich esa 15 497 taga teng edi.