Мажбурий ижро бюросининг очиқ маълумотларига кўра, Ўзбекистондаги 14 та вазирликда ижро ҳужжатлари бўйича жами 30 миллиард 225 миллион сўмдан ортиқ қарздорлик мавжуд. Бу ҳақда Rost.uz нашри хабар берди.
.jpg)
Ўрганиш давомида аниқланишича, 21 та вазирлик орасидан қуйидагиларнинг МИБдан қарзи бор:
- Транспорт вазирлиги — 924 минг сўм;
- Мудофаа вазирлиги — 1 миллион 860 минг сўм;
- Маданият ва туризм вазирлиги — 2 миллион 721 минг сўм;
- Камбағалликни қисқартириш ва бандлик вазирлиги — 3 миллион сўм;
- Ташқи ишлар вазирлиги — 3 миллион 27 минг сўм;
- Табиат ресурслари вазирлиги — 11 миллион 229 минг сўм;
- Олий таълим, фан ва инновациялар вазирлиги — 27 миллион 554 минг сўм;
- Адлия вазирлиги — 34 миллион 341 минг сўм;
- Мактабгача ва мактаб таълими вазирлиги — 43 миллион 576 минг сўм;
- Ёшлар сиёсати ва спорт вазирлиги — 56 миллион 442 минг сўм;
- Қурилиш ва уй-жой коммунал хўжалиги вазирлиги — 324 миллион 785 минг сўм;
- Ички ишлар вазирлиги — 374 миллион 512 минг сўм;
- Соғлиқни сақлаш вазирлиги — 1 миллиард 250 миллион 53 минг сўм;
- Иқтисодиёт ва молия вазирлиги — 28 миллиард 558 миллион 335 минг сўм.
Қайд этилишича, қолган 7 та вазирликда қарздорликлар мавжуд эмас. Булар — Инвестициялар, саноат ва савдо вазирлиги, Тоғ-кон ва геология вазирлиги, Қишлоқ хўжалиги вазирлиги, Сув хўжалиги вазирлиги, Рақамли технологиялар вазирлиги, Энергетика вазирлиги ва Фавқулодда вазиятлар вазирлиги.
Изоҳ (0)