Бухоро вилояти Қоровулбозор туманида рейд тадбири олиб бораётган туман Экология бўлими бошлиғи, инспектор М.Ҳ. хизмат вақтида яралангани ҳақида хабар берилган эди. Бош прокуратура матбуот котибининг маълум қилишича, инспекторни яралаган браконьерлар қўлга тушди.
Унга кўра, текшириш давомида ов қилиш мақсадида келган ва ушбу қилмишни содир этган шахслар аниқланди. Улардан 2 дона ов қуроллари холислар иштирокида олиб қўйилди. Қоровулбозор тумани экология бошлиғи олган тан жароҳатлари юзасидан судга оид тиббиёт экспертизаси тайинланди. Ҳолат юзасидан прокуратура томонидан терговга қадар текширув ҳаракатлари олиб борилмоқда.
Изоҳ (0)