Хоразм вилояти Шовот туманида бир туп дарахт кесган фуқаро табиатга 8,5 млн сўм зарар етказди. Бу ҳақда вилоят Экология бошқармаси ахборот хизмати хабар берди.
Унга кўра, ўрганиш давомида истироҳат боғи ҳудудида 57 туп манзарали дарахтлар турли хил зараркуранда ҳашаротлардан зарарлангани маълум бўлди. Шу билан бирга, ушбу қуриган дарахтларни кесиш жараёнида Хива шаҳар “Гулшан 2” маҳалласида яшовчи фуқаро Ш.А. томонидан 1 туп соғлом қайроғоч дарахти ҳам ноқонуний тарзда кесилгани аниқланди.
Ҳолат юзасидан фуқарога нисбатан Маъмурий жавобгарлик тўғрисидаги кодекснинг 79-модда 1-қисми билан маъмурий баённома расмийлаштирилиб, БҲМнинг 5 баробари, яни 1 миллион 650 минг сўм жарима ва 8 миллион 580 минг сўм табиатга етказилган зарар ҳисобланди.
Изоҳ (0)