Соғлиқни сақлаш вазирлиги ахборот хизмати шошилинч тиббий ёрдам тизимида телемедицина орқали қанча бемор даволанганини очиқланди.
Унга кўра, йилнинг ўтган 5 ойи давомида телетиббиёт орқали 200 маротаба (2022 йил шу даврига нисбатан 80 тага кўп) боғланишларда 800 та маслаҳат, 16 та консилиум, 27 та намойиш операциялари ўтказилди. Натижада 900 нафарга яқин беморни яшаш жойида даволаш имконияти яратилди.
Шунингдек, марказлар фаолиятига илғор хорижий давлатлардан экспертлар жалб қилинган ҳолда замонавий менежмент тизимини такомиллаштириш, соҳага янги инновацион даволаш ва диагностика усулларини жорий этишни жадаллаштириш, илмий-амалий ҳамкорликни кенг йўлга қўйиш ишлари мунтазам ташкил этилмоқда. Жигар трансплантология йўналиши бўйича Ҳиндистон ва Туркия марказлари билан, нейрохирургия йўналишида Япония, хирургия бўйича Озарбайжон маркази билан амалий ишлар бошлаб юборилди.
Йил якунигача марказнинг ҳудудий филиалларида интервенсион амалиётлар йўлга қўйилади. Натижада 9 турдаги янги жарроҳлик ва диагностика усуллари амалиётга татбиқ қилинади.
Изоҳ (0)