Ўзбекистонда 16 июль ҳолатига кўра ОТМга энг кўп қайси ҳудуддан абитуриент ҳужжат топширгани маълум бўлди. Бу бўйича Билимни баҳолаш агентлиги ахборот хизмати маълумот берди.
Унга кўра, олий таълим муассасаларининг бакалавриатига ўқишга кириш учун онлайн рўйхатдан ўтган абитуриентлар сони — 645 969 нафар. Абитуриентларнинг таълим тили бўйича тақсимоти:
- ўзбек тили — 561 070 нафар;
- рус тили — 66 094 нафар;
- қорақалпоқ тили — 17 046 нафар;
- бошқа тиллар — 1 759 нафар.
Абитуриентларнинг таълим шакллари бўйича тақсимоти (биринчи таълим йўналишига нисбатан):
- кундузги таълим шакли — 420 231 нафар;
- кечки таълим шакли — 16 311 нафар;
- сиртқи таълим шакли — 204 914 нафар;
- масофавий таълим шакли — 4 513 нафар.
Энг кўп абитуриент рўйхатдан ўтган ОТМлар (биринчи таълим йўналишига нисбатан):
- Ўзбекистон миллий университети — 25 154 нафар;
- Тошкент ахборот технологиялари университети — 19 309 нафар;
- Тошкент давлат педагогика университети — 19 299 нафар;
- Фарғона давлат университети — 19 268 нафар;
- Тошкент давлат транспорт университети — 18 757 нафар.
Абитуриентларнинг доимий яшаш ҳудуди бўйича биринчи 5 талик:
- Самарқанд вилояти — 74 131 нафар;
- Қашқадарё вилояти — 74 113 нафар;
- Фарғона вилояти — 60 789 нафар;
- Тошкент вилояти — 57 083 нафар;
- Сурхондарё вилояти — 52 605 нафар.
Изоҳ (0)