Сурхондарё вилояти Денов шаҳрида 395 кг истеъмолга яроқсиз гўшт маҳсулотлари олиб кетаётган ҳайдовчилар тўхтатиб қолинди. Бу ҳақда вилоят ИИБ ахборот хизмати хабар берди.
Унга кўра, ҳолат вилоят Дарбанд йўл-патрул хизмати масканида олиб борилган тезкор тадбир давомида аниқланган. Бири Денов, бири Шўрчи туманларидан Тошкент шаҳрига кетаётган икки ҳайдовчи ака-ука бўлиб чиққан. Ҳайдовчининг сўзларига кўра, улар етказиб бериш ҳисобига гўштнинг бир килограмми учун икки минг сўмдан пул олган.
“Килосига 2 минг сўмдан беради. Чорсуга олиб боришим керак эди. Яроқли ёки яроқсиз эканига қарамаганман”, — дейди улардан бири.
Қайд этилишича, 395 кг истеъмол учун яроқсиз бўлган от ва мол гўштлари вилоят ҳайвонлар касалликлари ташхиси ва озиқ-овқат маҳсулотлари хавфсизлиги давлат маркази лабораториясида текширилди. Шундан сўнг ушбу гўшт маҳсулотлари Термиз ҳайвонот боғига топширилди. Ҳайдовчиларга нисбатан маъмурий баённома расмийлаштирилди.
Изоҳ (0)