Тошкент вилояти Нурафшон шаҳридаги туғуруқхонада ҳомиладор аёл чақалоғи билан вафот этди. Бу ҳақда Бош прокуратура ахборот хизмати “Дарё”га маълумот берди.
Унга кўра, 1995 йилда туғилган С.Қ. мурожаат қилиб, унда Тошкент шаҳар, Бектемир тумани, “Бинокор” маҳалласи, рақамсиз уйда рўйхатда туриб, вақтинча Ўрта Чирчиқ тумани, “Гулобод” МФЙ, Чароғон кўчаси, 28-уйда яшовчи опаси — 1993 йилда туғилган М.Д. 9 ойлик ҳомиласи билан Нурафшон шаҳар Тиббиёт бирлашмаси туғуруқ бўлимида вафот этганини маълум қилган.
Аниқланишича, 2023 йил 14 июль куни соат 06:45 да Тошкент вилояти Ўрта Чирчиқ тумани ҳудудида жойлашган 53-сонли оилавий поликлиникада рўйхатда турган М.Д.ни синглиси С.Қ. Тошкент шаҳар Бектемир тумани ҳудудидаги уйидан 3-ҳомиладорлик, 38 ҳафта, 2-туғиш ўткир ичак инфекцияси сепсис, септик шок, гиповалиник шок, иситмаси юқори ҳолатдаги ташхиси билан олиб келган.
Нурафшон шаҳар тиббиёт бирлашмаси томонидан олиб борилган тиббий муолажаларга қарамай, М.Д. 14 июль куни соат 08:10 да вафот этган. Ҳозирда Нурафшон шаҳар прокуратураси томонидан унинг ўлими ҳолати бўйича терговга қадар текширув ҳаракатлари олиб борилмоқда.
Изоҳ (0)