Исроил Швециядаги Исроил элчихонаси олдида Тавротни ёқиб юборишга уринишни кескин қоралаб, Стокгольмни “нафрат ҳаракати”нинг олдини олишга чақирди. Бу ҳақда Исроил Ташқи ишлар вазирлиги матбуот котиби Лиор Ҳаят ўзининг Twitterъдаги саҳифасида маълум қилди.
Аввалроқ Швеция расмийлари Шаббат куни Исроил элчихонаси ёнида Таврот ва Инжилни ёқиб юбормоқчи бўлган эркакнинг сўровини маъқуллагани маълум қилинганди.
“Исроил Швециядаги Исроил элчихонаси олдида Тавротни ёқиш ниятини кескин қоралайди. Муқаддас китобларни ёқиш нафрат ва муросасизликдир ва сўз эркинлигига ҳеч қандай алоқаси йўқ. Швеция расмийларини муқаддас китобларни ёқишнинг олдини олишга чақирамиз”, — деб ёзди дипломат.
Ўз навбатида, Исроилнинг Швециядаги элчиси Зив Нево Кулман ҳам Тавротни ёқишга рухсат берилишини қоралади.
12 июль кини БМТнинг Инсон ҳуқуқлари кенгаши Қуръон ва бошқа муқаддас китобларни ёқиб юборишни қораловчи резолюция қабул қилганди.
Изоҳ (0)