Украина разведкаси Путин ҳақида қандай қилиб маълумот тўплашини очиқлади

Украина разведкаси раҳбари Кирилл Буданов ҳозир Кремлда содир бўлаётган воқеалар ҳақида барча маълумотларга эга эканини айтди. Бу ҳақда Reuters хабар берди.

Будановнинг сўзларига кўра, Украина турли манбалардан, жумладан, Россия президенти Владимир Путинга яқин одамлардан маълумот олади. У 2014 йил Украина ахборот урушида Россияга ютқазган бўлса, ҳозир Россиянинг ўзи Украинага ютқазаётганини айтди.

Мулозим Пригожин исёнидан сўнг Украина разведкаси маълум хулосалар чиқарганини билдирди. Буданов Украина разведкаси босқин таҳдиди ҳақида биринчи бўлиб огоҳлантирганини эслатди.

“Агар сиз ‘Моссад’ни Исроилнинг машҳур ташқи разведка хизмати деб билсангиз, биз бунга интиламиз... Давлат душманларини йўқ қилишга келсак, шундай қилиб келганмиз ва бу давом этади. Биз ҳеч нарсани қайта ташкиллаштиришимиз керак эмас, чунки у аллақачон мавжуд”, — деб жавоб берди Украина разведка раҳбари.

Будановга қарши суиқасдга кўплаб уринишлар бўлган. Охирги ҳолатда ҳужумчининг ўзи Украина разведкаси раҳбарининг машинасини портлатиб юбормоқчи бўлганида портлатилган.