Билим ва малакаларни баҳолаш агентлиги 12 июль ҳолатига кўра, 2023/2024-ўқув йили учун рўйхатдан ўтган абитуриентлар сони ҳақида маълумот берди.
Қайд этилишича, олий таълим муассасаларининг бакалавриатига ўқишга кириш учун онлайн рўйхатдан ўтган абитуриентлар сони 465 393 нафарни ташкил этмоқда.
Абитуриентларнинг таълим тили бўйича тақсимоти:
- ўзбек тили — 402 742 нафар;
- рус тили — 50 336 нафар;
- қорақалпоқ тили — 10 844 нафар;
- бошқа тиллар — 1 471 нафар.
Абитуриентларнинг таълим шакллари бўйича тақсимоти (биринчи таълим йўналишига нисбатан):
- Кундузги таълим шакли — 311 097 нафар;
- Кечки таълим шакли — 11 848 нафар;
- Сиртқи таълим шакли — 139 154 нафар;
- Масофавий таълим шакли — 3 294 нафар.
Энг кўп абитуриент рўйхатдан ўтган ОТМлар (биринчи таълим йўналишига нисбатан):
- Ўзбекистон миллий университети — 18 023 нафар;
- Тошкент ахборот технологиялари университети — 14 220 нафар;
- Тошкент давлат педагогика университети — 14 217 нафар;
- Фарғона давлат университети — 14 199 нафар;
- Тошкент давлат иқтисодиёт университети — 13 808 нафар.
Абитуриентларнинг доимий яшаш ҳудуди бўйича биринчи 5 талик:
- Самарқанд вилояти — 55 169 нафар;
- Қашқадарё вилояти — 51 167 нафар;
- Фарғона вилояти — 43 916 нафар;
- Тошкент вилояти — 42 152 нафар;
- Андижон вилояти — 40 523 нафар.
Эслатиб ўтамиз, июль бошида давлат олий таълим муассасаларига ўқишга қабул қилиш жараёнларини мувофиқлаштириш бўйича давлат комиссиясининг тегишли баёни билан бакалавриат ва магистратуранинг давлат буюртмаси ва тўлов-контракт асосида ўқишга қабул қилиш параметрларининг таълим йўналишлари ва ўқитиш тиллари бўйича тақсимоти тасдиқланганди.
Бир неча кун олдин эса Ўзбекистонда кечки ва сиртқи таълимда таҳсил олаётган ходимларга ойлик сақланган ҳолда таътил берилиши маълум қилинди. Шу билан бирга, Олий таълим, фан ва инновациялар вазирлиги Ат-Термизий номидаги халқаро университетга олий таълим хизматларини кўрсатиш учун лицензия берилмаганини маълум қилди.
Изоҳ (0)