O‘zbekistonda kechki yoki sirtqi taʼlimda tahsil olayotgan xodimlarga sessiya topshirish uchun oylik saqlangan taʼtil beriladi.
Oliy taʼlim muassasalari, texnikum yoki kollejlarda kechki yoki sirtqi taʼlimda o‘qiyotgan xodimlarga laboratoriya-imtihon sessiyalarida qatnashish uchun o‘rtacha ish haqi saqlangan holda quyidagi muddatlarda o‘quv taʼtillari beriladi:
- OTMda kechki taʼlimda o‘qiyotgan 1-2-kurs talabalariga – kamida 20 kun, texnikum yoki kollejlarda – kamida 10 kun, OTM va texnikum yoki kollejlarda sirtqi taʼlimda o‘qiyotganlarga esa – kamida 30 kun;
- OTMda kechki taʼlimda 3-4-kurslarda yoki undan yuqori kurslarda o‘qiyotganlarga – kamida 30 kun, texnikum yoki kollejlarda – kamida 20 kun, OTM va texnikum yoki kollejlarda sirtqi taʼlimda o‘qiyotganlarga esa kamida 40 kalendar kuni.
Ishni o‘qish bilan birga olib borayotgan xodimlarga navbatdagi mehnat taʼtillari ular o‘quv taʼtillaridan foydalanganidan qatʼi nazar beriladi.
Ish beruvchi oliy taʼlim tashkilotlarida sirtqi taʼlim shaklida tahsil olayotgan xodimlarga laboratoriya-imtihon sessiyasida ishtirok etish uchun taʼlim tashkiloti joylashgan yerga borishi va u yerdan qaytib kelishi uchun yiliga bir marta yo‘lkira haqining 50 foizidan kam bo‘lmagan miqdorini to‘laydi. Davlat attestatsiyasidan o‘tish uchun xuddi shunday miqdorda yo‘lkira haqi to‘lanadi.
Iyul boshida davlat oliy taʼlim muassasalariga o‘qishga qabul qilish jarayonlarini muvofiqlashtirish bo‘yicha davlat komissiyasining tegishli bayoni bilan bakalavriat va magistraturaning davlat buyurtmasi va to‘lov-kontrakt asosida o‘qishga qabul qilish parametrlarining taʼlim yo‘nalishlari va o‘qitish tillari bo‘yicha taqsimoti tasdiqlangandi.
Izoh (1)
ассалому алайкум. буни нимаси янгилик? эски, 1995 йилдаги Меҳнат кодексининг 256-моддасини ўқимаган кўринади муаллиф, айни шу моддада бу имтиёзлар бор эди.
Бундан кўра муаллиф янги Кодексдаги янгиликни, яъни мк 386-моддадаги иккинчи мутахассислик бўйича таҳсил олаётган ходимларга ўқув таътил берилмаслигини ёритиб берса тўғри бўларди.