Davlat oliy taʼlim muassasalariga o‘qishga qabul qilish jarayonlarini muvofiqlashtirish bo‘yicha davlat komissiyasining tegishli bayoni bilan bakalavriat va magistraturaning davlat buyurtmasi va to‘lov-kontrakt asosida o‘qishga qabul qilish parametrlarining taʼlim yo‘nalishlari va o‘qitish tillari bo‘yicha taqsimoti tasdiqlandi.
Oliy taʼlim muassasalari bakalavriatining kunduzgi taʼlim shakli bo‘yicha davlat buyurtmasi va to‘lov-kontrakt asosida o‘qishga qabul qilish parametrlarining taʼlim yo‘nalishlari va o‘qitish tillari bo‘yicha taqsimlanishi:
- jami — 127 ming 259 ta;
- budjet — 34 ming 930 ta (o‘zbek — 28 ming 569 ta, rus — 6 361 ta);
- kontrakt — 92 ming 329 ta (o‘zbek — 73 ming 592 ta, rus — 18 737 ta).
Oliy taʼlim muassasalari bakalavriatining sirtqi taʼlim shakli bo‘yicha o‘qishga qabul qilish parametrlarining taʼlim yo‘nalishlari va o‘qitish tillari bo‘yicha taqsimlanishi:
- jami — kontrakt asosida 49 ming 78 ta;
- o‘zbek — 42 ming 577 ta;
- rus — 6 501 ta;
Oliy taʼlim muassasalari bakalavriatining kechki taʼlim shakli bo‘yicha o‘qishga qabul qilish parametrlarining taʼlim yo‘nalishlari va o‘qitish tillari bo‘yicha taqsimlanishi:
- jami — kontrakt asosida 11 ming 125 ta;
- o‘zbek — 9 455 ta;
- rus — 1 670 ta.
Oliy taʼlim muassasalari bakalavriatining masofaviy taʼlim shakli bo‘yicha o‘qishga qabul qilish parametrlarining taʼlim yo‘nalishlari va o‘qitish tillari bo‘yicha taqsimlanishi:
- jami — kontrakt asosida 2 825 ta;
- o‘zbek — 1 995 ta;
- rus — 830 ta.
Qabul kvotalarining tasdiqlanishi
2022-yilda OTMlarga qabul kvotalari 15-iyunda tasdiqlangandi. Natijada hujjat qabul qilish jarayonlari odatiy 15-iyundan emas, 20-iyundan boshlanadigan bo‘lgan. 2021-yilda kvotalar 22-iyunda tasdiqlangan va shu kundan qabul boshlangan.
Maʼlumot uchun, 2022-yil 15-iyundagi prezident qaroriga asosan, 2023/2024-o‘quv yilidan boshlab davlat OTMlariga o‘qishga qabul qilishning davlat buyurtmasi parametrlari faqat davlat granti bo‘yicha tasdiqlanadi. Qarorda, shuningdek, davlat OTMlariga (moliyaviy mustaqillik berilgan OTMlari bundan mustasno) to‘lov-kontrakt asosidagi qabul parametrlari har yili 20-iyunga qadar Oliy taʼlim, fan va innovatsiyalar vazirligining rasmiy veb-saytida eʼlon qilinishi belgilangan.
Izoh (0)