Скутерда кетаётган эркак Нью-Йоркнинг бир қанча ҳудудларида ўткинчиларга қарата ўт очди, деб хабар бермоқда CNN. Натижада 87 ёшли қария вафот этди. Яна уч киши яраланган.
“Биз жиноят мотивларини билмаймиз”, деди тергов бюроси бошлиғи ёрдамчиси Жозеф Кенни. “Ҳодиса видеосидан кўриниб турибдики, ҳужумчи ҳеч кимни аниқ нишонга олмаган, ҳеч кимни кузатиб юрмаган. У ўзининг скутерига миниб, дуч келган одамларга қарата ўқ узди”, — деди Жозеф Кенни.
25 ёшли йигит отишмада гумонланиб ҳибсга олинган. Ҳозирда тергов давом этмоқда.
Нью-Йорк полицияси статистик маълумотларига кўра, 2022 йил апрель ойида зўравонлик жиноятлари сони 2021 йилнинг шу ойига нисбатан 42,7 фоизга ошган. Бундан ташқари, сўнгги икки йилда шаҳарда қотилликлар сони 9,2 фоизга ошган.
Изоҳ (0)