Сирдарё ИИБ бедарак йўқолган 26 ёшли ҳомиладор аёл қидирилаётганини эълон қилган эди. Бошқарма ахборот хизмати аёл топилганини маълум қилди.
Унга кўра, Сардоба тумани, “Отаюрт” маҳалласида яшовчи аёл Сарвара Қаршибоева (1996 йилда туғилган) 10 июнь куни яшаш хонадонидан номаълум томонга кетиб, бедарак йўқолган. Олиб борилган тезкор қидирув тадбирлари давомида Тошкент шаҳридан топилиб, яқинларига соғ-саломат топширилди.
Аёлнинг топилишида кўмаклашган фуқаролар 10 миллион сўм билан мукофотланиши ваъда қилинган эди.
“Қидирувда кўмак берган, бефарқ бўлмаган барча фуқароларимизга Сирдарё вилояти ИИБ жамоаси номидан ўз миннатдорчилигимизни билдирамиз”, — дейилади ИИБ хабарида.
Изоҳ (1)
Yo'qolish sababi nima ekan?