Фарғона вилояти Учкўприк туманида бедарак йўқолган қиз тўрт кундан сўнг топилди. Вилоят ИИБ ҳолат юзасидан муносабат билдирди.
Унга кўра, 15 июнь куни Учкўприк тумани Янгиобод МФЙда яшовчи фуқаро Б.Э 102 қисқа рақамига мурожаат қилиб, вояга етмаган фарзанди У.М 14 июнь куни соат 09:00 ларда яшаш хонадонидан чиқиб кетиб, қайтиб келмаганлини, уни топишда амалий ёрдам беришни сўраган. Мурожаат шу куннинг ўзида туман ИИБ томонидан тегишли тартибда қайд этилган.
Олиб борилган тезкор қидирув тадбирлари давомида вояга етмаган У.М туманнинг Катта Кенагас қишлоғи ҳудудидан 18 июнь куни топилиб, оила аъзоларига соғ-саломат топширилган.
Ҳозирда У.М.нинг уйдан чиқиб кетиши сабабларини аниқлаш юзасидан туман прокуратураси томонидан терговга қадар текширув ҳаракатлари олиб борилмоқда.
Изоҳ (0)