Тошкент шаҳрининг Юнусобод туманидаги Сайилгоҳ кўчасида жойлашган собиқ Миллий хавфсизлик хизмати (айни пайтдаги ДХХ) биносини бузиш ишлари бошланди. “Дарё” мухбири 73 йиллик тарихга эга бинонинг айни пайтдаги ҳолатини суратга олди.
1950 йилда қурилгани айтилаётган бино 2,2 гектар майдонга эга бўлиб, 2021 йил тадбиркорга сотилган.
Бино ва иншоотлар майдони 40 минг 243 квадрат/метрни, бино майдони эса 9 минг 376 квадрат/метрни ташкил қилган. Коммуникация тармоқлари (сув, газ, электр, иссиқлик) мавжуд бўлган.
.jpg)
Ўзбекистоннинг собиқ ташқи ишлар вазири Абдулазиз Комиловнинг ўғли Дониёр Комилов томонидан сотиб олингани айтилаётган бино унинг таъсисчилигидаги Metropol Group МЧЖ эгалигига ўтказилган.
Собиқ “Марказий бино” 210 миллиард сўмга сотилган.
Иншоат тадбиркор қўлига ўтишидан аввал Моддий маданий мероснинг кўчмас мулк объектлари миллий рўйхатидан чиқарилган.
Маълум қилинишича, мазкур бино ўрнида меҳмонхона қурилади. Radisson Hotel Group компанияси Metropol Group ташкилоти билан премиум-классга кирувчи 164 та хонага эга меҳмонхона қуриш бўйича шартнома имзолаган. Меҳмонхонани 2026 йилгача қуриб битказиш режалаштирилган.
“Radisson Cоllection Hotel, Tashkent меҳмонхона мажмуаси ягона меъморий услубда лойиҳалаштирилган тўртта бинодан иборат ансамбл таркибига киради. Майдони 130 минг квадрат метрга яқин бўлиб, минтақадаги энг йирик мажмуалардан бирига айланадиган комплекс жамоат жойлари, савдо майдончалари, кинотеатр, офислар, кошоналар ва кўп қаватли ерости автотураргоҳларини ўз ичига олади”, — дейилади Ўзбекистон отелерлар ассоциацияси хабарда.
Мажмуанинг асосий ва энг баланд биноси Radisson Cоllection Hotel, Tashkent бўлади. 22 қаватли бино 27 минг квадрат метрдан ортиқ майдонни эгаллайди. Меҳмонхонада, шунингдек, ресторан, лобби-бар, VIP-меҳмонхона ўрин олади. Битта қават бассейнга эга SPA учун ажратилади.
Изоҳ (0)