Тошкент вилоятинг Оҳагарон туманида Damas ва микроавтобус тўқнашиши оқибатида 20 киши жабрланди. Бу ҳақда “Менинг юртим” телеканалининг “Марказий студия” дастурида маълум қилинди.
.jpg)
Маълум қилинишича, воқеа 30 июнь куни Тошкент вилоятидан ўтувчи Нурафшон—Оҳангарон йўлида содир бўлган. Унда Damas автомобили қарама қарши йўлга чиқиб, Istana русумли транспорт воситасини уриб юборган. Натижада 20 киши жабрланган.
Хабарда айтилишича, микроавтобус йўловчилар билан тўлган ҳолатда ҳаракатланган. Ҳар икки машина жиддий шикастланган. Damas’нинг 90 фоиз қисми пачоқланиб кетган. Унинг эгаси машинадан фойдаланишни бошлаганига 1 ой ҳам бўлмаган.
Оҳангарон шаҳар марказий шифохонаси бош шифокорининг айтишича, шифохонага олиб келинган беморларнинг барчасига тиббий ёрдам кўрсатилди. Бугунги кунда уларнинг уч нафари жарроҳлик бўлимида, аҳволи стабил. Қолган беморлар ўзларининг турар жойидаги марказларига жўнатилди.
Вилоят ИИБ ЖХХ ЙҲХБ ахборот хизмати раҳбарининг маълум қилишича, ЙТҲ оқибатида Damas’нинг 1989 ва 2000 йилда туғилган икки нафар йўловчиси вафот этган. Ҳолат юзасидан Жиноят кодексининг 266-моддаси (транспорт воситалари ҳаракати ёки улардан фойдаланиш хавфсизлиги қоидаларини бузиш) 2-қисми билан жиноят иши қўзғатилиб, тергов ҳаракатлари олиб борилмоқда.
Изоҳ (0)