Фильм яратиш жараёни осон иш эмас. Худди шу нарса энг даромадли фильм франшизаларидан бири — “Гарри Поттер”га ҳам тегишли.
Режиссёр Алан Рикман линза тақишини билиб, ҳайратда қолади
“Аланга кубоги” режиссёри Майк Нюелл Алан Рикман роли учун махсус қора контакт линзалар таққанидан бехабар эди. Бир марта у актёрнинг кўзлари рангини мақтайди, Рикман эса кўзидаги линзаларни олиб кўрсатади.
Гриффиндор ва Слизерин ўртасидаги душманлик “Стоп, олинди!” буйруғидан кейин ҳам давом этади
Том Фелтон ўз хотираларида суратга олиш майдончасидаги болалар ўзига хос кланларни шакллантирганини айтади. Бирига Дэниэл, Руперт ва Эмма, иккинчисига Том ва бошқа Слизеринлар кирарди. Улар бир-бирларига ҳазил қилиш имкониятини қўлдан бой беришмайди. Бир воқеа учун Малфой ролини ўйнаган Том ҳамон уялади: у Эмма Уотсонни йиғлашгача олиб боради.
Жоан Роулинг Эмма Уотсонни Гермиона ролига мос келмайди деб ҳисоблаган
Интервьюларининг бирида ёзувчи Жоан Роулинг Эмма Уотсонни биринчи марта кўрганида хафа бўлганини тан олади. Унинг фикрича, ёш актриса Гермиона ролига мос келмайди, чунки у жуда чиройли эди. Китобларда Роулинг қаҳрамоннинг аста-секин қўпол қиздан жозибали хонимга айланишини тасвирлаган. Бироқ Эмманинг ташқи кўриниши бунга тўғри келмасди. Ёзувчи бу шунчаки кино эканига ўзини ишонтиради. Бундан ташқари, у Эмма ажойиб актриса эканлигини ва унинг характери Мисс Гренжерга мос келишини таъкидлайди.
Дэниэл Редклифф 12 тадан 20 тагача таёқча синдиради
Миш-мишларга кўра, франшизани суратга олиш пайтида Дэниэл жуда кўп реквизитларни бузган. Кўпинча у сеҳрли таёқчаларни синдириб қўярди. Баъзи манбаларда 60 ёки ҳатто 100 тагача дейилади.
Дэниэлнинг ўзи бу миш-мишларни тасдиқлади: у сеҳрли таёқчаларни барабан сифатида ишлатганини айтади, лекин 100 та эмас, 12 тадан 20 тагача синдирган бўлиши мумкин.
Хелен Маккрори Беллатриса ролини ўйнаши керак эди
Нарцисса Малфой ролини ижро этган актриса Хелен Маккрори дастлаб асосий ёвузлардан бири — Беллатриса Лестренж ролини ўйнаши керак эди. Аммо у ҳомиладор бўлиб қолади, шунинг учун унинг ўрнини Хелена Бонем Картер эгаллайди.
Луциус Малфой ролини ижро этган актёр том маънода экрандаги вақтини узайтиради
Жейсон Айзекс Жоан Роулингдан ўз қаҳрамонини қамоқдан озод қилишини сўрайди. Гап шундаки, Луциус Азкабанга қамалиши ва 6-фильмда кўрсатилган даврда у ерда бўлиши керак эди. Аммо актёр сўнгги фильмда иштирок этишни шунчалик хоҳлайдики, муаллифдан тиз чўкиб ёлворади. Охир-оқибат Луциус “Гарри Поттер ва ажал туҳфаси”нинг иккала қисмида ҳам иштирок этади, ҳатто муҳим рол ўйнайди.
Эмма Уотсон бутун жамоасининг ишига аралашиб, халақит беради
“Гарри Поттер” фильмининг биринчи қисмини суратга олиш пайтида Эмма Уотсон суратга олиш майдончасида биргаликдаги кадрларни доимий равишда бузарди. Бунинг сабаби у сценарийни ёддан билар ва лабларини қимирлатиб, вақти-вақти билан Гарри ва Роннинг сатрларини ўзига ўзи такрорларди.
Режиссёр суратга олишни тўхтатиб, “Эмма, сен яна Гаррининг сўзларини айтяпсан” дерди. Кичкина актриса дарҳол узр сўраб, қайта бундай қилмасликка ваъда берарди, лекин бир оздан сўнг яна лабларини қимирлата бошларди.
Руперт Гринт “Хогвартсга қайтиш” фильмининг суратга олиш майдончасида бўлмайди
Зийрак томошабинлар Руперт Гринт актёрлар учрашувида бўлмаган деган назарияни илгари суради. Уларнинг сўзларига кўра, актёр алоҳида суратга олинган, сўнгра монтаж пайтида унинг кадрлари фильмга киритилган.
Гап шундаки, учрашувни суратга олиш Лондонда, мухлислар тахминига кўра, Руперт Гринт Торонтода бўлиши ва “Ноёб нарсалар хонаси” телесериалида суратга тушиши керак бўлган бир вақтда бўлиб ўтган. “Хогвартсга қайтиш” фильмининг якуний титрларида канадалик мутахассисларнинг исмлари ҳам қўшилгани сабабли томошабинлар Руперт иштирок этган саҳналар Торонтода суратга олинган деган хулосага келишади. Кейинчалик, ижодкорлар бу маълумотни тасдиқлайди.
Ҳелена Бонем Картер бир оз ҳаяжонланиб, Метью Льюиснинг қулоғига жароҳат етказиб қўяди
Ҳелена Бонем Картердан бошқа ҳеч кимни шафқатсиз жодугар Беллатрикс Лестренж сифатида тасаввур қилишнинг иложи йўқ. Актриса бу образни шу қадар ишончли тарзда гавдалантирганки, у Невилл ролини ўйнаган актёрни деярли кар қилиб қўяй дейди. Фильмнинг бешинчи қисмида Лестренж болани гаровга олганида, актриса ролига шу қадар киришиб кетадики, тасодифан Метюнинг қулоғига таёқчаси билан уриб, қулоқ пардасига шикаст етказади. Кейинчалик Ҳелена бу импровизация тескари натижа берганини тан олади.
Изоҳ (0)