Индиана Жонс саргузаштлари ҳақидаги фильмнинг бешинчи қисми — “Тақдир ғилдираги” жаҳон прокатида кутилганидан камроқ маблағ тўплади. Фильм намойиш этилганидан сўнг дам олиш кунларида умумий 130 миллион доллар ишлаб топди.
Йиғилган маблағнинг 60 миллион доллари Шимолий Америкадан, 70 миллион доллари эса халқаро ҳудудлардан тўпланган. Мутахассисларнинг таъкидлашича, Америка Қўшма Штатларида маълумотлар беш кунлик, дам олиш кунларини ҳисобга олган ҳолда қайта кўриб чиқилади. Лойиҳанинг бюджети маркетингни ҳисобга олмаган ҳолда 295 миллион долларни ташкил этди.
“Тақдир ғилдираги” фильмида бош ролларни Харрисон Форд, Фиби Уоллер Бриж, Мадс Миккелсен ва Антонио Бандерас ижро этган. Картина режиссёри Жеймс Манголд. Фильм 1969 йилда АҚШ ва СССР ўртасидаги космик пойга ҳақидаги воқеаларни ўз ичига олади.
Изоҳ (0)