Жанубий Корея киноижодкорлари ва Netflix ҳамкорлигида суратга олинган “Калмар ўйини” сериалининг иккинчи мавсумида саккиз нафар янги актёр иштирок этади, деб хабар бермоқда “Правила жизни нашри.
Актёрлар таркибига Пак Гю Ён (“Жонажон уйим”), қўшиқчи Чо Ю Ри, Кан Э Сим (“Хушчақчақ бўл”, “Осмонга йўл”), Ли Девид (“Қутқар мени”), Ли Жин Ук (“Жонажон уйим”), Чҳве Син Ҳен (“Гуллар жанги”, “Битирувчи”), Ро Чже Вон (“Йўқолган пичоқ устаси”, “Бирхил”) ва Вон Жи Ан (“Тилагингизни тиланг”) қўшилган.
Аввалроқ Netflix лойиҳанинг иккинчи мавсумида Йим Си Ван (“Муваффақиятсиз ҳаёт”), Кан Ха Нил (“Камелиялар гуллаганда”), Пак Сон Хун (“Психопат кундалиги”) ва Ян Дон Гин (“Ҳаммаси ўз қўлингда”) иштирок этишини эълон қилган эди.
Биринчи мавсумда бош қаҳрамон Сонг Ки Хун ролини ўйнаган Ли Жонг Же ва полиция зобити Жун Ҳо ролини ижро этган Ви Ҳа Жун ўз ролларига қайтади. Шунингдек, томошабинлар Ли Бен Ҳун (ўйин бошловчиси Ҳван Ин Ҳо ва Жун Ҳонинг акаси) ва Го Юни (ёлланма хизматкор ролини ижро этган) қайта кўришади.
Лойиҳа асосчиси Хван Дон Хёк эса янги мавсумнинг сценарий муаллифи, режиссёри ва ижрочи продюсери бўлади.
“Калмар ўйини” сериали 2021 йилнинг сентябрь ойида томошабинларга тақдим этилди ва Netflix тарихидаги энг кўп кўрилган сериалга айланди, лойига биринчи ойда жами 1,65 миллиард соат томоша қилинди.
Netflix сериалнинг иккинчи мавсуми устида қачон иш бошланишидан ташқари, ҳали чиқиш санасини ҳам эълон қилинмаган. Ҳозирда компания “Калмар ўйини” асосида реалитй-шоуни суратга олмоқда, унда 456 нафар иштирокчи 4,56 миллион доллар учун кураш олиб боради.
Изоҳ (0)