Швейцария Украинадаги 30 та мактабни реконструкция қилиш учун 5,5 миллион Швейцария франки (6,1 миллион доллар) ажратишга қарор қилди. Бу ҳақда ҳукумат сайтидаги баёнотда маълум қилинди.
Маълум қилинишича, маблағлар Чернигов, Одесса ва Полтавадаги жанговар ҳаракатлардан бевосита зарар кўрган 30 та мактабни тиклаш, у ерда узлуксиз ўқишни таъминлашга йўналтирилади.
“Ёрдамнинг мақсади 15 000 га яқин мактаб ўқувчиларининг муносиб ва хавфсиз таълим олишларини таъминлашдан иборат”, — дейилади баёнотда.
Аввалроқ Швейцария ташқи ишлар вазири Инятсио Кассис Украинага беш йил ичида 1,7 миллиард доллар миқдорида молиявий ёрдам берилишини маълум қилганди. Унинг қўшимча қилишича, Швейцария 2023 ва 2024 йилларда Киевга 331 миллион доллар қўшимча пул йўналтириш мажбуриятини олган.
Изоҳ (0)