Ўзбекистон паспорт мустаҳкамлиги бўйича дунё рейтингида 71-ўринни эгаллади. Бу ҳақда Passport Index сайтида эълон қилинган маълумотлар келтирилган.
2022 йилнинг апрелида эълон қилинган рейтингда Ўзбекистон паспорти 63-ўринни, 2021 йилда эса энг кучли паспортлари рейтингида 86-ўринни эгаллаганди.
Ўзбекистон паспортига эга бўлган фуқаролар 26 та давлатга визасиз, яна 45 та давлатга эса етиб боргандан кейин визани олишлари мумкин. Ўзбекистонликлар 127 та давлатга фақат тегишли виза билан киришлари мумкин.
Дунёдаги энг кучли паспорт БАА фуқароларига тегишли бўлди. Улар учун 125 та давлатда визасиз режим мавжуд, яна 55 та давлатда визани етиб боргандан кейин олиш мумкин.
Афғонистон охирги ўринни эгаллади. Ушбу мамлакат фуқаролари учун визасиз режим фақат 5 та давлатда амал қилади, яна 35 давлатда виза келгандан кейин олиниши мумкин.
Изоҳ (0)