O‘zbekiston pasport mustahkamligi bo‘yicha dunyo reytingida 71-o‘rinni egalladi. Bu haqda Passport Index saytida e’lon qilingan ma’lumotlar keltirilgan.
2022-yilning aprelida e’lon qilingan reytingda O‘zbekiston pasporti 63-o‘rinni, 2021-yilda esa eng kuchli pasportlari reytingida 86-o‘rinni egallagandi.
O‘zbekiston pasportiga ega bo‘lgan fuqarolar 26 ta davlatga vizasiz, yana 45 ta davlatga esa yetib borgandan keyin vizani olishlari mumkin. O‘zbekistonliklar 127 ta davlatga faqat tegishli viza bilan kirishlari mumkin.
Dunyodagi eng kuchli pasport BAA fuqarolariga tegishli bo‘ldi. Ular uchun 125 ta davlatda vizasiz rejim mavjud, yana 55 ta davlatda vizani yetib borgandan keyin olish mumkin.
Afg‘oniston oxirgi o‘rinni egalladi. Ushbu mamlakat fuqarolari uchun vizasiz rejim faqat 5 ta davlatda amal qiladi, yana 35 davlatda viza kelgandan keyin olinishi mumkin.
Izoh (0)