Жадаллашган техниканинг киносаноатга таъсири натижасида бир нечта актёрларнинг ўлимидан кейинги фильмнинг саҳналардаги ўрни компьютер графикаси ёрдамида қайта жонлантирилди.
Питер Кушинг — “Юлдузлар жанги”
1970 йиллар охирида Питер “Юлдузлар жанги”да Мофф Таркин ролини ижро қилган. Машҳур саганинг биринчи қисмини суратга олиш вақтида, 1994 йилда ҳаётдан кўз юмган. Аммо замонавий технологиялар ёрдамида актёрнинг рақамли дублёрини яратишнинг уддасидан чиқилган.
Гаролд Рамис — “Шарпа овчилари: Ворислар”
2016 йилда “Шарпа овчилари” фильмининг актрисалар иштирокидаги муваффақиятсиз қайта ишланган варианти намойиш этилди. 2021 йилда ушбу фильмнинг муваффақиятли давоми чиқди, унда янги актёрлардан ташқари аввалги актёрлар ҳам пайдо бўлди. Билл Мюррей, Ден Айкройд ва Эрни Ҳадсон ўз ролларига қайтди. Машҳур тўртликдан фақат Гаролд Рамис компьютер графикаси ёрдамида қайта “жонлантирилган” сабаби актёр 2014 йилнинг 24 февраль санасида вафот этган эди.
Оливер Рид – “Гладиатор”
Оливер Рид “Гладиатор” фильмида қаҳрамонининг ролини охирига еткизмай суратга олиш майдончасида юрак хуружидан вафот этган. Режиссёр Ридли Скотт юлдузни компьютер графикаси ёрдамида кўринишини яратиш студияга 3 миллион долларга тушишини таъкидлаган. Шунга қарамай қарор қабул қилинган. Натижада ишлов берилган саҳналарни ҳақиқий Рид иштирокидагисидан фарқлаш имконсиз бўлган.
Кристофер Рив – “Flesh”
“Flesh” кинокартинасини бутун дунё бўйлаб миллионлаб ДC мухлислари кутган. Лойиҳада Майкл Китон, Бен Аффлек ва Майкл Шеннон пайдо бўлиши керак эди. Бироқ натижа кутилгандек бўлмади. Ҳатто 1978 йилда суратга олинган “Supermen” фильми ва унинг давомий фильмларида Supermen ролини ўйнаган Кристофер Ривнинг эпизодик роли ҳам унинг мувафаққиятли чиқишига ёрдам бермади. Кристофернинг карьераси 1995 йилда, отдан йиқилиб фалаж бўлиб қолганида тугади. Орадан 9 йил ўтиб, у вафот этди. 18 йилдан сўнг актёр “Flesh” фильмига компьютер графикаси ёрдамида “қайтарилди”.
Пол Уокер — “Форсаж 7”
Автоҳалокатда вафот этган Пол Уокер “Форсаж”нинг еттинчи қисмида суратга тушишга улгурмаган. Аммо ижодкорлар мухлислар қалбидан жой олган актёрни алмаштирмасликка қарор қилган. Лента тақдимотини бир неча ойга суриб, мутахассислар компьютер графикаси ёрдамида унинг рақамли нусхасини яратган. Ака-ука Уокерлар кинематографларга ёрдам бериб, бир неча саҳнада дублёр сифатида чиқиш қилган.
Керри Фишер — “Юлдузлар жанги: Скаюокер юксалиши”
“Юлдузлар жанги: Скаюокер юксалиши” фильмида Лея Органа бош қаҳрамонлардан бири бўлади. Бироқ Керри Фишернинг ўлимидан сўнг, биргина ечим топилди: бутун сценарийни Леясиз қайтадан ёзиш керак, деган хулосага келинди. Бироқ актирса компьютер графикаси ёрдамида қайта “жонлантирилди”. Лойиҳа ижодкорлари бу ишни амалга оширишдан олдин Керрининг қариндошларидан рухсат олди. Кинокартинада Лея Органа образи вафот этади.
Изоҳ (0)