Ким Кеон Хининг айтишича, унинг гўзаллик сири доимий ўзини ривожлантиришдадир. Бироқ кўпчилик ўқиш ва янги тилларни ўрганиш ажинларни камайтиришига ишонмайди.
Корейс аёлларининг гўзаллик сирлари ҳақида афсоналар мавжуд ва бу бежиз эмас: бу мамлакатдаги кўплаб аёллар чиндан ҳам чинни қўғирчоқларга ўхшайди — улар ҳақиқий ёшидан анча ёш кўринади. Баъзилар буни терини кўп босқичли парвариш қилиш ва шилиқурт ниқоблари натижаси деб билишади. Бошқаларнинг айтишича, Жанубий кореяликлар болаликдан SPF крем қўллашни бошлайди ва шу йўл билан зарарли қуёш нурларидан ҳимояланишади. Айримлар эса ҳаммаси пластик жарроҳлик натижаси деб ҳисоблайди. Нима бўлса ҳам корейс аёллари ҳақиқатан ҳам вақтни орқага қайтаришга муваффақ бўлгандек туюлади ва бунга мамлакатнинг биринчи хоними Ким Кеон Хи ёрқин мисол бўла олади. Ҳозир у 50 ёшда, лекин бунга мутлақо ишонмайсиз, чунки у максимал 30 ёшга ўхшайди.
Ким Кеон Хининг гўзаллиги ва ёшлиги бутун дунёни ҳайратга солган, яқинда у яна барчанинг эътиборини тортди. У турмуш ўртоғи — Жанубий Корея президенти Юн Сек Ёл билан Францияга расмий ташриф билан келди ва Эммануэл Макроннинг рафиқаси — 70 ёшли Брижит билан Елисей саройида тушлик қилди. Албатта, биринчи хонимлар биргаликда суратга тушишди, суратда уларнинг ёш фарқи янада яққол сезилди.
Ким Кеон Хи жуда яширин ҳаёт кечирса-да, Жанубий Кореядаги энг машҳур аёллардан бири саналади. Фақат вақти-вақти билан эри билан омма олдида пайдо бўлади, лекин интервью бермайди ва шахсий ҳаёти ҳақида гапирмайди. Машҳур журналлар муҳаррирлари биринчи хонимни бир неча бор муқова учун суратга тушишга таклиф қилишган, аммо бунга жавобан улар мулойим “йўқ” деган жавобни эшитишган.
Тўғри, улар Ким Кеон Хидан унинг гўзаллиги сирини билишга муваффақ бўлишди, лекин кўпчилик бунга ишонмади. Президентнинг рафиқаси кўп вақтини ўзини ривожлантиришга бағишлагани – чет тилларни ўргангани, ўқиётгани ва соғлом турмуш тарзини олиб боргани учунгина ёш кўринишини айтади. “Мия қанчалик ёш бўлса, ажинларингиз шунчалик кам бўлади”, — дейди Ким. Лекин кўпчилик унинг бу сўзларига ишонмади.
Баъзи интернет фойдаланувчилари биринчи хоним мунтазам равишда косметологлар ва пластик жарроҳлар ёрдамига мурожаат қилади деб ўйлашади: ҳеч бўлмаганда терисини ўз соҳасининг энг яхши мутахассислар парваришлаши учун катта пул сарфлаши аниқ. Бошқалар Ким Кеон Хининг барча расмлари нашрдан олдин Фотошопда эҳтиёткорлик билан қайта ишланганига ишонади, бошқалари эса уни ёш соҳибжамол деб ҳисобламайди. Тахминларга кўра, Кимнинг ёши унинг кўзлари, бўйни ва қўллари атрофидаги ажинлар билан белгиланади. Бироқ бу фикрларнинг барчасини ҳисобга олсак ҳам, аёлнинг 50 ёшдалигига ишониб бўлмайди.
2019 йилда турмуш ўртоғи Юн Сеок Ёл президент этиб сайлангач, Ким Кеон Хи Жанубий Кореянинг биринчи хоними бўлди. Айни пайтда уларнинг турмуш қурганига 10 йилдан ошган бўлса-да, фарзандлари йўқ, аммо тўртта мушуги бор. Ён Сеок Ёл лавозимига киришгунга қадар мамлакат бош прокурори бўлган, аммо Ким катта ишда ишламаган. Ёшлигида у бир мунча вақт тунги клубда ҳостес (меҳмонларни кутиб олиб, алоҳида хизмат кўрсатувчи) бўлиб ишлаган. Шарқ мамлакатларида бундай фаолият фоҳишалар иши билан тенглаштирилган. Тўғри, Ким барча айбловларни рад этади: у шунчаки меҳмонларни столларга кузатиб қўйганини ва уларга меню олиб келганини таъкидлайди.
Кўп ўтмай, Ким Кеон Хи бу ишини ташлаб, биржада пул ишлашни бошлайди, аммо кўпчилик бундай жойда ҳалол пул топиб бўлмаслигини билади. Гап шундаки, ўша ерда аёл нуфузли бизнесмен билан танишган ва унга махфий маълумотларни етказиб турган. Бўлажак биринчи хоним билан боғлиқ жанжаллар бир неча йил давомида этади — Ён Сеок Ёлга турмушга чиқмагунча тўхтамайди. Унинг обрўсида бир нечта қора доғлар бўлса-да, Ким Кеон Хининг гўзаллиги, албатта, тан олиниши керак.
Изоҳ (0)