Голливуд юлдузи Бред Питт Анжелина Жоли ундан фарзандларини тортиб олмоқчи бўлаётганидан шикоят қилди

Голливуд актёри Бред Питт собиқ рафиқаси Анжелина Жоли билан бўлган ҳуқуқий можароси унинг фарзандлари билан муносабатларига таъсир қилаётгани ҳақида сўзлаб берди. Бред Питт  собиқ хотини уни ўғиллари ва қизлари билан мулоқот қилишдан маҳрум қилмоқчи бўлаётганини маълум қилди.

Ҳозир 59 ёшда бўлган актёр 2016 йилда Анжелина Жоли билан ажрашган. Ўшандан бери уларнинг ўртасидаги суд жараёни тўхтагани йўқ. Жуфтлик фарзандларини васийликка олиш борасида баҳслашди ва ҳозирда улар умумий мулки —  француз Chateau Miraval вино заводининг акциялари билан боғлиқ муаммоларни ҳал қилмоқда. Актёрнинг яқинлари у собиқ рафиқасининг қилаётган ишларидан ҳайрон қолганини айтган.

“Питтнинг фикрича, Анжелина ўзи хоҳлаган нарсага эришиш учун, яъни фарзандларини олиб кетиш учун ҳеч нарсадан тўхтамайди. Унинг барча ҳаракатлари жавоб зарбаси эканлигига ишончим комил. Улар муаммони тинч йўл билан ҳал қила олмайди. Бу узоқ давом этган жанг тез орада тугаши даргумон”, — дейди актёрнинг дўсти.

“Бобил” фильмидаги бош рол ижрочиси самолёт бортидаги оилавий можаро ҳақида ҳам гапириб берган. Жолининг таъкидлашича, актёр унга нисбатан шафқатсиз муносабатда бўлган ва ўғли Меддоксга қўл кўтарган. Питт мухлисларини бу ҳақиқат эмаслигига ишонтиришга ҳаракат қилган. Актёрнинг сўзларига кўра, “Абадийлар” фильмининг юлдузи унинг обрўсига путур етказмоқчи бўлган.

“Анжелина жамоатчилик актёрнинг унга ва болаларга нисбатан зўравонлик қилгани ҳақида эшитганидан мамнун эди. Актрисанинг фикрича, бу Бреднинг обрўсига кўпроқ таъсир қилиши керак эди. У Бредни кечирмайди ва унутмайди”, — дейди инсайдерлардан бири.

Олти фарзанднинг онаси собиқ турмуш ўртоғидан жуда хафа эканини айтган. Жолининг ҳаёти Питт билан ажрашганидан кейин кескин ўзгарди. Актриса депрессиядан чиқди ва бошқалар билан мулоқот қилишдан бош тортди. Анжелина фарзандлари билан гаплашиб тасалли топишга ҳаракат қилди.

Бред танаффусдан кейин нормал ҳаётга қайтишга муваффақ бўлди. Актёрнинг ҳозирда 29 ёшли дизайнер Инес де Рамон билан ишқий муносабатда экани ҳақида миш-мишлар тарқалган. У Анжелина билан турмуш қурганида яшаган уйини ҳам сотган.

Питт актриса қизини 17 ёшга тўлиши арафасида кўришга рухсат бермаганидан шикоят қилган. Жоли қизи Шайлони Ямайкага дам олишга юборган.