Кўплаб Голливуд юлдузлари карьераси учун шахсий ҳаётини қурбон қилади. Баъзан эса ўз касбига меҳр-муҳаббат туфайли актёрлар фарзандлари ҳам уларнинг изидан боришини хоҳлайди. Агар улар фарзандлари билан битта фильмда суратга тушишга муваффақ бўлишса, буни муваффақият деб ҳисоблаш мумкин. Қуйида фарзандлари билан бир фильмда суратга тушган машҳурлар ҳақида маълумот берилади.
Сильвестр Сталлоне ва Сейж Сталлоне — “Рокки 5” фильми
.jpg)
Машҳур франшизанинг бешинчи қисмида Силвестр Сталлоне ўғли билан бирга рол ижро этди. Бош қаҳраниб Совет чемпиони билан дуэлдан сўнг мураббийлик билан шуғулланади.
Сейж лойиҳада кичик Рокки Балбоа ролини ўйнади ва бу унинг актёрлик карьерасининг бошланиши эди. У кўплаб фильмларда суратга тушганидан кейин ўз йўлини давом эттира олмади. Актёрнинг ўғли 2012 йилда юрак хуружи туфайли вафот этди.
Мелани Гриффит ва Дакота Жонсон — “Қоидаларга риоя этмайдиган аёл” фильми
Дакота Жонсон атиги 10 ёшда бўлганида, онаси Мелани Гриффит билан “Қоидаларга риоя этмайдиган аёл” фильмида рол ўйнаган. Бош қаҳрамон Люсил турмуш ўртоғини ташлаб кетиб, машҳур бўлиш орзусида шаҳарни тарк этади. Фильмда қизалоқнинг роли жуда кичик эди ва фильм унчалик яхши баҳоланмади.
Кейинчалик, актриса “Юлдуз ёрдамчилари” фильмида суратга тушган, бироқ у билан боғлиқ саҳна бир неча дақиқа давом этган. Дакота онасининг истеъдодини ўзлаштиришга муваффақ бўлди ва актёрлик карьерасида ундан деярли ўзиб кетди.
Брюс Уиллис ва Румер Уиллис “Гаров”
Румер Уиллис улғайиши билан, ота-онасидан илҳомланиб, актриса бўлишга қарор қилди. Бироқ, оилавий муносабатлар унга бу борада ёрдам бермади, актриса “Гаров” фильмида суратга тушиш учун, яъни бош қаҳрамоннинг қизи ролини олиш учун имтиҳондан ўтиши керак эди.
Фильм провинция шаҳарчасига кўчиб келган собиқ махфий хизмат зобитининг ҳаёти ҳақида ҳикоя қилади. Тасодифий талончиликдан сўнг, бир оила гаровга олинади ва у бегуноҳ инсонларни қутқариш учун қўлидан келганини қилиши керак бўлади.
Уилл Смит ва Жейден Смит — “Бахт изидан” фильми
Жейден Смит “Бахтга изидан” фильмида бош қаҳрамоннинг ўғли ролини ижро этган. Фильм ёлғиз отанинг ҳаётидаги машаққатлари, иш излаб, фарзандига ғамхўрлик қилаётган Уилл Смитнинг образи ҳақида ҳикоя қилади. Улар оила аъзолари ўртасидаги самимий муносабатларни жуда аниқ етказишга муваффақ бўлди.
Бу Жейденнинг отаси билан бирга суратга тушган ягона лойиҳаси эмас. Уларнинг иккинчи қўшма лойиҳаси “Эрамиздан сўнг” фильми бўлиб, Жейден ҳам бир нечта фильмларда суратга тушган. “Каратэчи йигит” — унинг энг яхши қаҳрамонларидан бири.
Бред Питт ва Шайло Жоли-Питт — “Бенжамин Баттоннинг сирли ҳикояси”
Бред Питт кинодаги фаолиятини давом эттиришга қарор қилди ва тўнғич қизи Шайлони суратга олиш майдончасига олиб борди. Ўша пайтда қизалоқ эндигина 2 ёшга кирган эди ва у фильмнинг бош қаҳрамони Бенжамин фарзанди ролини ижро этди. Бу қизалоқнинг биринчи марта катта экранда чиқиши ва актёрлик дебюти эди.
Фильм йиллар ўтса-да қаримайдиган, балки ёшроқ кўринишга эга бўладиган ажойиб инсоннинг ҳаёти ҳақида ҳикоя қилади.
Брендан Глисон ва Донал Глисон — “Гарри Поттер: Ажал туҳфаси”
“Гарри Поттер” ҳақидаги фильмнинг ушбу қисмида Брендан Глисон энг тажрибали сеҳргарлардан бири Аластор Муди ролини ўйнади. Фильмда унинг фарзанди ҳам суратга тушди ва Рон Уизлининг акаси Билл ролини ижро этди. Фильмда уларнинг тақдири боғланмаган бўлса-да, актёрларнинг дуэтини муваффақиятли деб аташ мумкин.
Актёрлар “Гарри Поттер” фильмидан ташқари, яна бир нечта лойиҳаларда суратга тушди. Лойиҳалар орасида “Ирландиялик Фрэнк” сериали ҳам бор, унда актёрлар бош қаҳрамонлар ролини ижро этган.
Анжелина Жоли ва Вивен Жоли-Питт — “Малифисента”
Анжелина Жоли ва Бред Питт ҳар доим фарзандларини суратга олиш жараёнларида иштирок этишини қўллаб-қувватлаган. Бундай камолар уларга кулгили ва қизиқарли бўлиб туюлди. “Малифисента” фильмида жуфтликнинг қизи Вивен Жоли-Питт кичик Аврора ролини ижро этди.
Анжелина Жоли фильм ижодкорларига Малифисентанинг шохларидан ва унинг қўпол қиёфасидан қўрқмайдиган бола кераклиги ҳақида гапирди. Қўрқинчли сеҳргар ҳар қандай инсонни осонгина қўрқитиши мумкин эди. Вивен эса бу рол учун муносиб номзод эди.
Мерил Стрип ва Меми Гаммер — “Рики ва Flesh” фильми
Бу она ва қиз бирга рол ижро этган биринчи фильм бўлмаса-да, айнан шу фильмда улар бош қаҳрамон образини гавдалантирган. Мерилнинг образи — оиласини карьера учун тарк этган рок юлдузи. Бироқ, у кейинчалик ишларни тўғрилаш ва болалар билан муносабатларни ўрнатиш имкониятига эга бўлади.
Уларнинг биринчи қўшма лойиҳаси 1986 йилда намойиш этилган “Рашк” фильми эди. Меми ўша пайтда атиги 3 ёшда эди, у ёш бўлишига қарамай, ролни аъло даражада бажарди ва яна Мерилнинг қизи ролини ўйнади.
Жонни Депп ва Лили-Роуз Депп — “Йогачилар”
Жонни Депп “Йогачилар” фильмида қизи Лили-Роуз Депп билан бирга суратга тушган. Лили-Роузнинг образи ёга билан машғул бўлган ва дугонаси билан бир дўконда қўшимча пул ишлашга мажбур бўлган мактаб ўқувчиси. Ёвузлик ва сеҳр қизларга қарши ишлатилганда, ҳамма нарса янада мураккаблашади.
Фильмни муваффақиятли дейиш қийин, томошабинлар ва танқидчилар уни жуда паст баҳолаган, бироқ бу Лили-Роуз Деппнинг карьерасига таъсир қилмади. У бошқа машҳур фильмларда, масалан “Бивен” ва “Кумир” телесериалида рол ижро этди.
Изоҳ (0)