Жаҳон ва ўзбек шоу-бизнеси вакилларининг Instagram саҳифаларига жойлаштирилган қизиқарли фото ва видеоларни эътиборингизга ҳавола этамиз.
Голливуд актёри Марк Уолберг ўзбекистонлик мухлисларига салом йўллади. Актёр Америкадаги ўзбек қизи — блогер Ҳабиба Нигматуллаева билан учрашиб қолган ҳамда у орқали Ўзбекистонга салом йўллаган. Видео Ҳабиба Нигматуллаеванинг Instagram саҳифасида эълон қилинди.
Муниса Ризаева энг яқин дугонаси билан тушган суратини саҳифасига жойлаб, дўстлик ҳақидаги мулоҳазалари билан бўлишди.
Актриса Муқаддас Саъдуллаева кузатувчиларига кўзларида ёш билан отаси ҳақидаги хотираларини сўзлаб берди. Унга кўра, марҳум актёр Лутфулла Саъдуллаев қизининг контракт пулини тўлаш учун уйидаги телефон рақамини дорихонага сотган ҳамда буни бир муддат оила аъзоларидан сир тутган. “Отам ўқишим учун қўлларидан келганча имконият яратиб берганлар. Мен эса турмуш ўртоғимнинг хоҳишлари билан ўқишимни ташлаб кетганман”, — дейди Муқаддас Саъдуллаева.
Учинчи бор оналик бахтига сазовор бўлган Ҳулкар Абдуллаева самимий тилаклар учун кузатувчиларига миннатдорчилик билдирди.
Хонанда ҳамда блогер Baby Моҳи ўзининг илк автомобилини харид қилди ҳамда қувончини мухлислари билан бўлишди.
Болливуд юлдузи Катрина Каиф саҳифасига янги сурат жойлади.
Актёр Шаҳзод Султонов онасига пойтахтда янги қурилган уч хонали хонадонни совға қилди.
Хонанда Райҳон турмуш ўртоғи Фарҳод Алимовни туғилган куни билан табриклади.
Комик актриса Ҳалима Ибрагимова тадбиркорларга мурожаат йўллаб, пойтахтдаги хонадонларнинг ижара нархини ошириб юбормасликни сўради.
Асал Шодиева кузатувчиларга янги сурати билан кўриниш берди.
Даврон Эргашев архив суратини саҳифасига жойлади.
Изоҳ (0)