Меҳрибон ва кўнгилчан: машҳур актёр ва ёлғиз ота Ченинг Татум қизи учун интернетдан соч ўришни ўрганди

Ченнинг Татум ва “Бир қадам олдинга” фильмидаги партнёри Женна Дуан 2009 йил июль ойида турмуш қуради. 2013 йилда қизли бўлишади, аммо 5 йилдан кейин юлдузлар ажрашишга қарор қилади. Улар ҳозирда Эверлини биргаликда тарбиялашади, аммо қизалоқ кўп вақтини отаси билан ўтказади.

Актёрнинг айтишича, у Женна билан биргаликда анчагача никоҳларини сақлаб қолиш учун курашган, лекин вақт ўтиб, улар умуман бошқа-бошқа инсон эканликларини тушунишган. Қизалоқнинг дунёга келиши бу фикрни янада мустаҳкамлаган. Ажралишдан улар сўнг болага васийлик ҳуқуқини 50/50 га бўлишади. Шунинг учун Ченнинг тўлиқ ишонч билан ўзини ёлғиз ота деб аташи мумкин.

Ченнинг ва кичкина Эверли ўртасидаги меҳр бир кўришдаёқ пайдо бўлади. Қизи туғилгандан сўнг Татум тиғиз жадвал бўйича ишлайди. Аммо қизи билан қисқа вақтга ҳам ажрашиш қийин эди. “У соат сайин ўзгариб борарди, буни кўролмаслик жуда аламли эди”, — актёр ўз дарди билан ўртоқлашди.

“Ҳеч қачон ёлғиз ота бўлишни режалаштирмаганман”, — дейди Татум интервьюсида. Буларнинг барчаси унга жуда қийинчилик билан берилганини тан олади. Қиз боланинг тарбияси ҳақиқатан ҳам машаққатли иш. “Интернетдан соч ўришни ўргандим”, — қўшимча қилади у. Ченнинг қизига ғамхўрлик қилолмайдиган оталардан бири бўлишни хоҳламайди.

Афтидан, Татум қизи билан кўп вақт ўтказади. Улар биргаликда бўянишади, бокс билан шуғулланишади, китоб ўқишади ва саёҳат қилишади. Актёр Эверлининг мустақил бўлишига ёрдам беради. У қизи ҳақиқий рок хонанда каби болалар ичида қўлини кўтараётган фотосуратни эълон қилди. Татум у билан қандай бўлса, шундайлигича фахрланишини айтади.

Ҳар қандай ота сингари Татум ҳам фарзандига яхшиликлар тилайди. У қизига очиқ хат ёзиб, унга аслидек бўлишни ва эркаклар умидларини амалга оширишга интилмасликни маслаҳат беради. Актёр Эверлининг барча севимли машғулотларидан ҳам хабардор. Мисол учун, қизи Тейлор Свифтнинг мухлиси — у ирланд рақсларини ҳам ёқтиради.

Айтганча, Ченнинг Татум болалар китоблари муаллифи ҳам. Бунга қизи илҳомлантирган. Актёр асарларида реал ҳаётдаги воқеалардан фойдаланади. Мисол учун, бир куни Эверли мактабдан уйга ўйинчоқ машина олиб келади. Қизча ўйинчоқ қаердан олганини айтмайди. Кейинчалик маълум бўлишича, у машинани рухсатсиз олган, лекин отасига иқрор бўлишга журъат этолмаган.

Ченинг қизининг ўсмирлик йилларини интиқлик билан кутмоқда. “Эшитишимча, ўзга сайёраликлар болани олиб кетиб, 22 ёшида олиб келиб бераркан”, — деб ҳазиллашади у.