Таълимдаги ноодатий ҳолатларга қарамай, таниқли шахсларнинг қоидалари ҳам ўз фалсафасига эга. Эҳтимол шундай усуллар туфайли уларнинг фарзандларидан бўлажак даҳолар етишар.
Девид ва Виктория Бекхем
Юлдузли жуфтликнинг учта ўғли ота-онасининг қоидаларига бўйсунмайди, чунки йигитлар аллақачон катта бўлган, аммо 12 ёшли Харпер Севен бундан мустасно.
Виктория ва Девид қизига фақат кечки соат саккизгача кўчада юришга рухсат беришади. Бундан ташқари уни кичиклигидаёқ тартибли бўлишга ўргатишган: нонушта қилгандан сўнг, Харпер дарҳол ётоғини йиғиб, хонасини тозалайди. Бекхемлар, шунингдек, қизи фойдаланадиган контентларни қатъий назорат қилади.
Албатта, бу мунтазам вазифаларнинг барчаси мотивация билан мустаҳкамланади — агар у ўз вазифаларини бажарса, чўнтак харажати учун бир неча доллар олади. Акс ҳолда Виктория ностандарт таълим усулига мурожаат қилади — қизи ўзининг нотўғри ҳаракатлари ҳақида ўйлаб олиши учун уни “жазо курсиси”га ўтқизади.
Мадонна
Vogue қўшиғи ижрочисининг олти фарзанди бор, улардан учтаси асраб олинган. Айни пайтда энг кичик фарзандлари — эгизаклар Эстер ва Стелла (2012) қўшиқчининг ота-онаси назорати остида.
Мадонна 11 ёшли қизларининг келажаги ва таълими ҳақида қайғургани учун 18 ёшга тўлгунга қадар уларга севги муносабатларини тақиқлаб қўйди, чунки унинг фикрича, севги бошни ҳар қандай гиёҳванд моддадан кучлироқ айлантиради.
Бритни Спирс
Бритни ўғиллари Шон Престон (2005) ва Жейден Жеймсни (2006) тарбиялашда уларга ҳеч қандай чекловлар қўймайди. Мисол учун, ҳар ҳафта биргаликда фастфуд кафеларга бориб, уларни фри, гамбургер ва газланган ичимликлар билан хурсанд қилади.
Анжелина Жоли
Актрисанинг олти фарзанди бор — Меддокс (2001), Захара (2005), Пакс Тен (2003), Шайло (2006) ва эгизаклари — ўғли Нокс Леон ва қизи Вивиэн Маршелин (2008).
Анжелина Бирлашган Миллатлар Ташкилотининг яхши ният элчиси бўлгани ва тез-тез турли мамлакатларга (асосан ривожланмаган) ташриф буюрганлиги сабабли фарзандларини дунёни пушти кўзойнакциз кўрсатиш учун ўзи билан олиб юради.
Шу йўл билан фарзандларига ўзларида бор нарсани қадрлашни ва табиий бойликларни асрашни ўргатмоқчи, чунки баъзи мамлакатларда улар етишмайди.
Бошқа ҳолларда актриса болаларини чекламайди: улар хоҳлаган нарсани ейишлари, ижтимоий тармоқларда ўтиришлари ва фақат ўз қарашига таяниши мумкин (Жоли ўз фикрини ўтказмайди ва болаларининг индивидуаллигини биринчи ўринга қўяди).
Аммо битта истисно ҳолат бор. Актриса уларга тенгдошлари билан мулоқот қилишни тақиқлайди, чунки уларнинг ҳар бирида мулоқот қилиш учун етарли ака-ука ва опа-сингиллар бор деб ҳисоблайди. Болалар уйда ўқитилади.
Мила Кунис ва Эштон Кутчер
Бу юлдузли оилада Рождество ва Янги йил совғалари учун жой йўқ. Бунинг сабаби Мила ва Эштон бу байрамларни болаларники деб ҳисобламайди. Ҳатто дўстлари ва қариндошларига қишда совғасиз ташриф буюришларини айтишади.
Актёрлар ушбу “тарбия усули”ни болалар қадриятларини белгилашда самарали деб ҳисоблашади. Куниснинг айтишича, фарзандлари катталар бўлганида моддий нарсалардан кўра маънавий нарсаларни биринчи ўринга қўйишади.
Бундан ташқари, оилада глютенни ўз ичига олган маҳсулотлар тақиқланган, болаларга ижтимоий тармоқларда аккаунт очиш ҳам мумкин эмас — Мила ҳам интернетда шахсий блог юритмайди. Телевизор олдида ҳам кунига икки соатдан ортиқ ўтиришмайди.
Изоҳ (0)